ആർ.ബി.ഐ ഗവർണർ ശക്​തികാന്ത ദാസിന്​ കോവിഡ്​

ന്യൂഡൽഹി: റിസർവ്​ ബാങ്ക്​ ഗവർണർ ശക്​തികാന്ത ദാസിന്​ കോവിഡ് സ്ഥിരീകരിച്ചു​. ട്വിറ്ററിലൂടെയാണ്​ അദ്ദേഹം കോവിഡ്​ സ്ഥിരീകരിച്ച വിവരം അറിയിച്ചത്​. വിട്ടീലിരുന്ന്​ ജോലി തുടരുമെന്നും ശക്​തികാന്ത ദാസ്​ അറിയിച്ചു.

എനിക്ക്​ ഇന്ന്​ കോവിഡ്​ സ്ഥിരീകരിച്ചു. കാര്യമായ ആരോഗ്യപ്രശ്​നങ്ങളില്ല. ഞാനുമായി അടുത്ത ദിവസങ്ങളിൽ ​ബന്ധപ്പെട്ടവർ സ്വയംനിരീക്ഷണത്തിൽ പോകണം. ഐസോലേഷനിലിരുന്ന്​ ​ജോലി തുടരും. ആർ.ബി.ഐയുടെ പ്രവർത്തനങ്ങൾ തടസം കൂടാതെ നടക്കും. ദൈനംദിന പ്രവർത്തനങ്ങൾ ടെലിഫോണിലൂടെയും വിഡിയോ കോൺഫറൻസിലൂടെയും വിലയിരുത്തുമെന്നും ശക്​തികാന്ത ദാസ്​ അറിയിച്ചു.