സ്​റ്റാലിനെ നേതാവായി അംഗീകരിക്കാൻ തയാർ -​അഴഗിരി

ചെന്നൈ: പാർട്ടിയിൽ തിരിച്ചെടുക്കുകയാണെങ്കിൽ ഡി.എം.കെ അധ്യക്ഷൻ സ്​റ്റാലിനെ നേതാവായി അംഗീകരിക്കാൻ തയാറാണെന്ന് സഹോദരൻ എം.കെ​ അഴഗിരി. തന്നെ പാർട്ടിയിൽ തിരിച്ചെടുത്തില്ലെങ്കിൽ കനത്ത പ്രത്യാഘാതം നേരിടേണ്ടി വരുമെന്ന്​ അഴഗിരി നേരത്തെ മുന്നറിയിപ്പ്​ നൽകിയിരുന്നു. എന്നാൽ, ഇപ്പോൾ അഴഗിരി നിലപാട്​ മയപ്പെടുത്തിയെന്നാണ്​ സൂചന. 

സ്​റ്റാലിനുമായി ചേർന്ന്​ പ്രവർത്തിക്കാൻ തയാറാണ്​. പാർട്ടിയിൽ തിരിച്ചെടുത്താൽ സ്​റ്റാലി​​​​​െൻറ നേതൃത്വത്തെ അംഗീകരിക്കാം. പാർട്ടിയിൽ തിരിച്ചെടുക്കുകയല്ലാതെ സ്​റ്റാലിന്​ മുന്നിൽ മറ്റ്​ വഴികളില്ല. വീണ്ടും പാർട്ടിയിൽ പ്രവേശിക്കാൻ സാധിച്ചില്ലെങ്കിൽ ഭാവി പരിപാടികൾ ത​​​​​െൻറ അനുയായികളുമായി ചേർന്ന്​ തീരുമാനിക്കുമെന്നും​ അഴഗിരി വ്യക്​തമാക്കി.

ത​​​​​െൻറ ശക്​തി തെളിയിക്കാനായി മാർച്ച്​ സംഘടിപ്പിക്കാൻ  അഴഗിരി​ നീക്കമുണ്ടായിരുന്നു. പക്ഷേ അഴഗിരിയുടെ അനുയായികളുടെ എണ്ണം ദിനംപ്രതി കുറയുകയാണെന്നാണ്​ റിപ്പോർട്ടുകൾ. ഇതാണ്​ ​പ്രശ്​നത്തിന്​ രമ്യമായ പരിഹാരം തേടാൻ അദ്ദേഹത്തെ പ്രേരിപ്പിച്ചതെന്നാണ്​ സൂചന.