മമതക്ക്​ തിരിച്ചടി; ബംഗാൾ ഗതാഗത മന്ത്രി രാജിവെച്ചു, ബി.ജെ.പിയിൽ ചേർന്നേക്കും

ന്യൂഡൽഹി: ​തൃണമൂൽ കോൺഗ്രസ്​ നേതാവും പശ്ചിമബംഗാൾ ഗതാഗത മന്ത്രിയുമായ സുവേന്ദു അധികാരി മന്ത്രിസ്​ഥാനം രാജിവെച്ചു. മാസങ്ങളായി പാർട്ടിയുമായി ഇടഞ്ഞുനിൽക്കുന്ന സുവേന്ദു അധികാരി രാജിക്കത്ത്​ മുഖ്യമന്ത്രി മമതാ ബാനർജിക്കും ​പകർപ്പ്​ ഗവർണർ ജഗ്​ദീപ്​ ധൻകറിനും നൽകി.

നിലവിൽ എം.എൽ.എ മാത്രമാണ്​ സുവേന്ദു. പാർട്ടിയിൽനിന്ന്​ രാജിവെക്കുമെന്നാണ്​ വിവരം. ഇദ്ദേഹം ബി.ജെ.പിയിൽ ചേർന്നേക്കുമെന്നും റിപ്പോർട്ടുകളുണ്ട്​. അടുത്ത വർഷം നടക്കുന്ന നിയമ സഭ തെരഞ്ഞെടുപ്പ്​ മുന്നിൽകണ്ടാണ്​ നീക്കം.

ബംഗാളിലെ നന്ദിഗ്രാമിൽനിന്ന്​ നിയമസഭയിലെത്തിയ സുവേന്ദു കഴിഞ്ഞ മൂന്നുമാസമായി പാർട്ടിയുമായി ഇടഞ്ഞുനിൽക്കുകയായിരുന്നു. പാർട്ടി മീറ്റിങ്ങുകളിൽനിന്നും കാബിനറ്റിൽനിന്നും ഇദ്ദേഹം മാറിനിന്നിരുന്നു. തൃണമൂൺ കോൺഗ്രസി​െൻറ കൊടിയോ, ​ബാനറുകളോ ഇല്ലാതെ സ്വന്തമായി റാലികളും സുവേന്ദു സംഘടിപ്പിച്ചിരുന്നു. മുതിർന്ന നേതാവായ സുവേന്ദുവിനെ അനുനയിപ്പിക്കാൻ പാർട്ടി രംഗത്തെത്തിയെങ്കിലും നീക്കം പരാജയപ്പെടുകയായിരുന്നു.