റഫാൽ ഇടപാട്​: റിലയൻസി​െൻറ വക്കീൽ നോട്ടീസുകൾ നിശബ്​ദമാക്കില്ലെന്ന്​ കോൺഗ്രസ്​

ന്യൂഡൽഹി: റഫാൽ ഇടപാടുമായി ബന്ധപ്പെട്ട്​ അനിൽ അംബാനിയുടെ ഉടമസ്ഥതയിലുള്ള റിലയൻസ്​ കമ്യൂണിക്കേഷൻ അയച്ച വക്കീൽ നോട്ടീസുകൾ തങ്ങളെ നിശബ്​​ദരാക്കില്ലെന്ന്​ കോൺഗ്രസ്​. റഫാൽ ഇടപാടിലെ അഴിമതി പുറത്ത്​ കൊണ്ടുവരുന്നതിനായി തങ്ങൾ നടത്തുന്ന ശ്രമങ്ങളെ ഇല്ലാതാക്കാനാണ്​ റിലയൻസ്​ വക്കീൽ നോട്ടീസുകളുമായി രംഗത്തെത്തിയിരിക്കുന്നതെന്നും കോൺഗ്രസ്​ ആരോപിച്ചു. 

നിരന്തരമായി റിലയൻസ്​ വക്കീൽ നോട്ടീസുകൾ അയക്കുന്നത്​ അവർ തെറ്റ്​ ചെയ്​തു എന്നതി​​​​​െൻറ തെളിവാണ്​. കമ്പനിക്ക്​ തങ്ങളെ നിശബ്​ദരാക്കണം. പാർട്ടിയെ വക്കീൽ നോട്ടീസുകൾ കൊണ്ട്​ നിശബ്​ദരാക്കാൻ സാധിക്കില്ല. റഫാൽ ഇടപാടിലെ സത്യം പുറത്ത്​കൊണ്ടുവരുമെന്നും ദേശീയ കോൺഗ്രസ് നേതൃത്വം​ പ്രതികരിച്ചു. കോൺഗ്രസ്​ നേതാക്കളായ രൺദീപ്​ സുർജവാല, പവൻ ഖേര, പ്രിയങ്ക ചതുർവേദി, ശക്​തി സിൻഹ ഗോഹിൽ, ജയ്​വീർ ഷെർഗിൽ, അർജുൻ മോദവാഡിയ, സുനിൽ ജാക്​ഹർ തുടങ്ങിയവർക്കാണ്​ റിലയൻസ്​ വക്കീൽ നോട്ടീസയച്ചത്​.

ഇന്ത്യയുടെ ചരിത്രത്തിലെ ഏറ്റവും വലിയ അഴിമതിയാണ്​ റഫാൽ ഇടപാടെന്നായിരുന്നു കോൺഗ്രസി​​​​​െൻറ മുഖ്യ ആരോപണം. റിലയൻസിന്​ വേണ്ടി റഫാൽ ഇടപാടിൽ നരേന്ദ്ര ​േമാദി സർക്കാർ അഴിമതി നടത്തിയെന്നായിരുന്നു കോൺഗ്രസി​​​​​െൻറ പറഞ്ഞിരുന്നത്​.