നേട്ടത്തിനായി രാഷ്​ട്രീയം കളിക്കുന്നവർ ഇന്ത്യ മതേതര രാജ്യമാണെന്നോർക്കണം -മായാവതി

ലഖ്​നോ: പൗരത്വ ഭേദഗതി നിയമത്തെ ചില പാർട്ടികൾ രാഷ്​ട്രീയ നേട്ടത്തിനായി ഉപയോഗിക്കുന്നുവെന്ന വിമർശനവുമായി ബി.എസ്​.പി ​അധ്യക്ഷ മായാവതി. ഇന്ത്യ മതേതര രാഷ്​ട്രമാണെന്ന്​ ഓർക്കണമെന്നും രാജ്യത്ത്​ സമാധാനവും ഒരുമയും നിലനിർത്തണമെന്നും മായാവതി പറഞ്ഞു.

സ്വന്തം നേട്ടത്തിനായി രാഷ്​ട്രീയം കളിക്കുന്നവർ ഇന്ത്യയൊരു മതേതര രാഷ്​ട്രമാണെന്നും എല്ലാ മതങ്ങളെയും ബഹുമാനിക്കുന്നുവെന്നതും ഓർക്കണം. രാജ്യത്ത്​ സമാധാനവും ഐക്യവും നിലനിർത്തണം -മായാവതി പറഞ്ഞു. പുതുവത്സരാശംസകൾ നേർന്ന്​ സംസാരിക്കുകയായിരുന്നു അവർ.

2019 ഭിന്നിപ്പി​​െൻറ വർഷമായിരുന്നു. വർഗീയ ചിന്താഗതിക്കാരായ ബി.ജെ.പിയും കേന്ദ്രസർക്കാറും ഇന്ത്യയുടെ ഭരണഘടനാ തത്വങ്ങളെ ദുർബലമാക്കിയ വർഷമായിരുന്നു കഴിഞ്ഞുപോയതെന്നും മായാവതി വിമർശിച്ചു.