മയക്കുമരുന്ന്​ കേസ്​: നടി റിയ ചക്രവർത്തി അറസ്​റ്റിൽ

മുംബൈ: സുശാന്ത്​ സിങ്​ രജ്​പുത്തി​െൻറ മരണവുമായി ബന്ധപ്പെട്ട്​ ​ഉയർന്നുവന്ന മയക്കുമരുന്ന്​ കേസിൽ നടി റിയ ചക്രവർത്തിയെ നര്‍ക്കോട്ടിക്സ് കണ്‍ട്രോള്‍ ബ്യൂറോ അറസ്​റ്റു ചെയ്​തു. കേസിൽ തുടർച്ചയായ രണ്ടുദിവസത്തെ ചോദ്യം ചെയ്യലിന്​ ശേഷമാണ്​ റിയയെ അറസ്​റ്റ്​ ചെയ്​തത്​.

നേരത്തെ റിയയുടെ സഹോദരൻ ഷോവിക്​ ചക്രവർത്തിയെയും സുശാന്തിൻെറ മാനേജറായിരുന്ന സാമുവല്‍ മിറാന്‍ഡയെയും എൻ.സി.ബി അറസ്​റ്റു​ ചെയ്​തിരുന്നു.

ചോദ്യം ചെയ്യലിൽ ഷോവിക്കും സാമുവലും സുശാന്തിന്​ മയക്കുമരുന്ന്​ എത്തിച്ചതായി റിയ മൊഴി നൽകിയിരുന്നു.സുശാന്തി​െൻറ മാനേജർ സാമുവൽ മിറാൻഡ ലഹരിമരുന്ന്​ ഇടപാടിൽ അറസ്​റ്റിലായ സെയ്‌ദിൽ നിന്ന് മയക്കുമരുന്ന് വാങ്ങാൻ പോയ കാര്യം തനിക്കറിയാമെന്നും റിയ എൻ.സി.ബി. ഉദ്യോഗസ്ഥരോട് വെളിപ്പെടുത്തിയിരുന്നു. സഹോദരൻ ഷോവിക്കുമായും സെയ്​ദിന്​ ഇടപാടുകൾ ഉണ്ടായിരുന്നു. അറസ്​റ്റിലായ ബാഷിത്തിൽ നിന്നും ഷോവിക്​ മയക്കുമരുന്ന്​ വാങ്ങുകയും ഇയാൾ വീട്ടിൽ എത്തിയിരുന്നതായും റിയ മൊഴി നൽകിയിരുന്നു.

റിയയുടെയും ഷോവിക് ചക്രവർത്തിയുടെയും നിർദേശപ്രകാരം മാർച്ച് മുതൽ ജൂൺ വരെയുള്ള കാലയളവിൽ 165 ഗ്രാം കഞ്ചാവ് സുശാന്തിന്​ എത്തിച്ച്​ നൽകിയതായി പാചക്കാരൻ ദീപേഷ്​ സാവന്ത്​ എൻ.സി.ബി അന്വേഷണ സംഘത്തോട്​ വെളിപ്പെടുത്തിയിരുന്നു. ​ 2018 സെപ്റ്റംബർ മുതൽ സുശാന്ത്​ കഞ്ചാവ് ഉപയോഗിക്കുന്നുണ്ടായിരുന്നു എന്നും സാവന്ത് അന്വേഷണ ഉദ്യോഗസ്ഥരോട് പറഞ്ഞിരുന്നു.

താൻ ഒരു വർഷത്തോളമാണ്​​ സുശാന്തിനൊപ്പമുണ്ടായിരുന്നതെന്നും ലഹരി ഉപയോഗം നേരത്തെ ഉണ്ടായിരുന്നുവെന്നുമാണ്​ റിയ മൊഴി നൽകിയിരുന്നത്​. താൻ മയക്കുമരുന്ന്​ ഉപയോഗിച്ചിട്ടില്ലെന്ന വാദത്തിലും അവർ ഉറച്ചു നിന്നിരുന്നു.

സുശാന്ത്​ സിങ്​ രജ്​പുത്തി​െൻറ മരണത്തിൽ സി.ബി.ഐ അന്വേഷണം പുരോഗമിക്കുകയാണ്​. മരണത്തിൽ റിയക്കും കുടുംബത്തിനും പങ്കുണ്ടെന്ന പരാതിയിൽ സി.ബി.ഐ സംഘം ഇവരെ നിരവധി തവണ ചോദ്യം ചെയ്​തിരുന്നു.