സ്വ​ത്ത​വ​കാ​ശം ഭ​ര​ണ​ഘ​ട​ന​പ​രം; ന​ഷ്ട​പ​രി​ഹാ​രം ന​ൽ​കാ​തെ ഏ​റ്റെ​ടു​ക്കാ​നാ​വി​ല്ല -സു​പ്രീം​കോ​ട​തി

ന്യൂ​ഡ​ൽ​ഹി: സ്വ​ത്ത​വ​കാ​ശം ഭ​ര​ണ​ഘ​ട​ന​പ​ര​മെ​ന്നും നി​യ​മ​പ്ര​കാ​രം മ​തി​യാ​യ ന​ഷ്ട​പ​രി​ഹാ​രം ന​ൽ​കാ​തെ വ്യ​ക്തി​യു​ടെ സ്വ​ത്ത് ഏ​റ്റെ​ടു​ക്കാ​നാ​വി​ല്ലെ​ന്നും സു​പ്രീം​കോ​ട​തി. മൗ​ലി​കാ​വ​കാ​ശ​മ​ല്ലെ​ങ്കി​ലും സ്വ​ത്തി​നു​ള്ള അ​വ​കാ​ശം ഭ​ര​ണ​ഘ​ട​ന​പ​ര​മാ​യി അം​ഗീ​ക​രി​ക്ക​പ്പെ​ടു​ന്ന മ​നു​ഷ്യാ​വ​കാ​ശ​മാ​ണെ​ന്നും കോ​ട​തി നി​രീ​ക്ഷി​ച്ചു. ബം​ഗ​ളൂ​രു -മൈ​സൂ​രു ഇ​ന്‍ഫ്രാ​സ്ട്ര​ക്ച​ര്‍ കോ​റി​ഡോ​ര്‍ പ​ദ്ധ​തി​ക്കാ​യി (ബി.​എം.​ഐ.​സി.​പി) ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട കേ​സി​ല്‍ ഹൈ​കോ​ട​തി വി​ധി ചോ​ദ്യം ചെ​യ്തു​ള്ള അ​പ്പീ​ൽ പ​രി​ഗ​ണി​ക്ക​വെ​യാ​ണ് സു​പ്രീം​കോ​ട​തി പ​രാ​മ​ർ​ശം. 1894ലെ ​ഭൂ​മി ഏ​റ്റെ​ടു​ക്ക​ൽ നി​യ​മ​പ്ര​കാ​രം വി​ജ്ഞാ​പ​നം പു​റ​പ്പെ​ടു​വി​ക്കു​ന്ന തീ​യ​തി​യി​ൽ നി​ല​വി​ലു​ള്ള നി​ര​ക്ക​നു​സ​രി​ച്ചാ​ണ് ന​ഷ്ട​പ​രി​ഹാ​രം നി​ശ്ച​യി​ക്കേ​​ണ്ട​​ത്. എ​ന്നി​രു​ന്നാ​ലും, ന​ഷ്ട​പ​രി​ഹാ​ര​ത്തു​ക വി​ത​ര​ണ​ത്തി​ൽ കാ​ല​താ​മ​സം നേ​രി​ടു​ന്ന അ​സാ​ധാ​ര​ണ സാ​ഹ​ച​ര്യ​ത്തി​ൽ പി​ന്നീ​ടു​ള്ള മ​റ്റൊ​രു തീ​യ​തി അ​ടി​സ്ഥാ​ന​മാ​ക്കി വി​ല പു​ന​ർ​നി​ർ​ണ​യി​ക്കാ​മെ​ന്നും കോ​ട​തി പ​റ​ഞ്ഞു.

1978ലെ 44ാം ​ഭേ​ദ​ഗ​തി പ്ര​കാ​രം സ്വ​ത്ത​വ​കാ​ശം മൗ​ലി​കാ​വ​കാ​ശ​മ​ല്ലാ​താ​യി മാ​റി. എ​ന്നാ​ല്‍, സ്വ​ത്ത​വ​കാ​ശം മ​നു​ഷ്യാ​വ​കാ​ശ​മാ​യും ഭ​ര​ണ​ഘ​ട​ന അ​നു​ച്ഛേ​ദം 300 എ ​പ്ര​കാ​ര​മു​ള്ള അ​വ​കാ​ശ​മാ​യും തു​ട​രു​ന്നു​വെ​ന്നും ജ​സ്റ്റി​സു​മാ​രാ​യ ബി.​ആ​ര്‍. ഗ​വാ​യി, കെ.​വി. വി​ശ്വ​നാ​ഥ​ന്‍ എ​ന്നി​വ​ര​ട​ങ്ങി​യ ബെ​ഞ്ച് നി​രീ​ക്ഷി​ച്ചു. നി​യ​മ​പ്ര​കാ​രം മ​തി​യാ​യ ന​ഷ്ട​പ​രി​ഹാ​രം ന​ല്‍കാ​തെ ഒ​രു വ്യ​ക്തി​യു​ടെ സ്വ​ത്ത് ഏ​റ്റെ​ടു​ക്കാ​ന്‍ ക​ഴി​യി​ല്ലെ​ന്നും ഇ​ന്‍ഫ്രാ​സ്ട്ര​ക്ച​ര്‍ കോ​റി​ഡോ​ര്‍ പ​ദ്ധ​തി​യു​മാ​യി ബ​ന്ധ​പ്പെ​ട്ടു​ള്ള ന​ഷ്ട​പ​രി​ഹാ​ര വി​ധി​ന്യാ​യ​ത്തി​ല്‍ പ​റ​യു​ന്നു.

ബി.​എം.​ഐ.​സി.​പി ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട വി​ഷ​യ​ത്തി​ൽ 2022 ന​വം​ബ​റി​ലെ ക​ർ​ണാ​ട​ക ഹൈ​കോ​ട​തി​യു​ടെ വി​ധി ചോ​ദ്യം ചെ​യ്തു​ള്ള അ​പ്പീ​ലി​ൽ വ്യാ​ഴാ​ഴ്ച​യാ​ണ് സു​പ്രീം​കോ​ട​തി വി​ധി പ്ര​സ്താ​വി​ച്ച​ത്. പ​ദ്ധ​തി​ക്കാ​യി ഭൂ​മി ഏ​റ്റെ​ടു​ക്കു​ന്ന​തി​ന് 2003 ജ​നു​വ​രി​യി​ല്‍ ക​ര്‍ണാ​ട​ക ഇ​ന്‍ഡ​സ്ട്രി​യ​ല്‍ ഏ​രി​യാ​സ് ഡെ​വ​ല​പ്മെ​ന്റ് ബോ​ര്‍ഡ് പ്രാ​ഥ​മി​ക വി​ജ്ഞാ​പ​നം പു​റ​പ്പെ​ടു​വി​ച്ചു​വെ​ന്നും 2005 ന​വം​ബ​റി​ല്‍ ഹ​ര​ജി​ക്കാ​രു​ടെ ഭൂ​മി​യു​ടെ ഉ​ട​മ​സ്ഥാ​വ​കാ​ശം ഏ​റ്റെ​ടു​ത്തു​വെ​ന്നും ബെ​ഞ്ച് ചൂ​ണ്ടി​ക്കാ​ട്ടി.

വി​ദ്യാ​ദേ​വി വേ​ഴ്സ​സ് സ്റ്റേ​റ്റ് ഓ​ഫ് ഹി​മാ​ച​ൽ പ്ര​ദേ​ശ് (2020) കേ​സ് ഉ​ദ്ധ​രി​ച്ച് നി​യ​മ​പ​ര​മാ​യി നി​ല​നി​ൽ​ക്കു​ന്ന ഒ​രു ക്ഷേ​മ സ്ഥാ​പ​ന​മെ​ന്ന നി​ല​യി​ൽ സ​ർ​ക്കാ​റി​ന് ഭ​ര​ണ​ഘ​ട​ന നി​ർ​വ​ചി​ച്ച് ന​ൽ​കി​യ​തി​ന് അ​തീ​ത​മാ​യി അ​ധി​കാ​രം പ്ര​യോ​ഗി​ക്കാ​നാ​വി​ല്ലെ​ന്ന് കോ​ട​തി പ​റ​ഞ്ഞു. തു​ട​ർ​ന്ന് അ​ൾ​ട്രാ-​ടെ​ക് സി​മ​ൻ​റ് ലി​മി​റ്റ​ഡ് വേ​ഴ്സ​സ് മാ​സ്റ്റ് റാം (2024) ​പ​രാ​മ​ർ​ശി​ച്ച കോ​ട​തി ഉ​ട​മ​യി​ൽ​നി​ന്ന് ഭൂ​മി ഏ​റ്റെ​ടു​ത്ത ശേ​ഷം ന​ഷ്ട​പ​രി​ഹാ​രം ന​ൽ​കു​ന്ന​തി​ൽ കാ​ല​താ​മ​സം വ​രു​ത്തു​ന്ന​ത് നി​യ​മ​വി​രു​ദ്ധ​മാ​ണെ​ന്നും ആ​ർ​ട്ടി​ക്ൾ 300 എ​യു​ടെ ഉ​ദ്ദേ​ശ്യ​ല​ക്ഷ്യ​ത്തെ ആ​കെ നി​രാ​ക​രി​ക്കു​ന്ന​താ​ണെ​ന്നും വി​ല​യി​രു​ത്തി.

സു​പ്രീം​കോ​ട​തി മു​മ്പാ​കെ അ​പ്പീ​ല്‍ ന​ല്‍കി​യ ഭൂ​വു​ട​മ​ക​ള്‍ക്ക് ക​ഴി​ഞ്ഞ 22 വ​ര്‍ഷ​ത്തി​നി​ടെ നി​ര​വ​ധി ത​വ​ണ കോ​ട​തി​യു​ടെ വാ​തി​ലു​ക​ളി​ല്‍ മു​ട്ടേ​ണ്ടി​വ​ന്നു. എ​ന്നാ​ല്‍, ഒ​രു ന​ഷ്ട​പ​രി​ഹാ​ര​വും ല​ഭി​ച്ചി​ല്ലെ​ന്നും സ്വ​ത്തു​ക്ക​ള്‍ ന​ഷ്ട​പ്പെ​ട്ടു​വെ​ന്നും ബെ​ഞ്ച് നി​രീ​ക്ഷി​ച്ചു. അ​നു​​ച്ഛേ​ദം 142 പ്ര​കാ​ര​മു​ള്ള കോ​ട​തി​യു​ടെ സ​വി​ശേ​ഷാ​ധി​കാ​രം ഉ​പ​യോ​ഗി​ച്ച് 2019 ഏ​പ്രി​ല്‍ 22ലെ ​വി​പ​ണി മൂ​ല്യ​ത്തി​ന്റെ അ​ടി​സ്ഥാ​ന​ത്തി​ല്‍ ഭൂ​വു​ട​മ​ക​ള്‍ക്ക് ന​ഷ്ട​പ​രി​ഹാ​രം നി​ര്‍ണ​യി​ക്കാ​നും ഭൂ​മി ഏ​റ്റെ​ടു​ക്ക​ൽ നി​യ​മ​പ്ര​കാ​ര​മു​ള്ള നി​യ​മാ​നു​സൃ​ത ആ​നു​കൂ​ല്യ​ങ്ങ​ൾ ന​ൽ​കാ​നും പ്ര​ത്യേ​ക ലാ​ൻ​ഡ് അ​ക്വി​സി​ഷ​ൻ ഓ​ഫി​സ​റോ​ട് (എ​സ്.​എ​ൽ.​എ.​ഒ) ബെ​ഞ്ച് നി​ർ​ദേ​ശി​ച്ചു.