യു.പി ദേശീയപാതയിൽ കാർ കൊള്ള; നവവധു വെടിയേറ്റ്​ മരിച്ചു

ന്യൂഡൽഹി: യു.പിയിൽ ദേശീയപാത 58ൽ  കാർ തടഞ്ഞ്​ മോഷണം. മോഷ്​ടാക്കളുടെ വെടിയേറ്റ്​ നവവധു മരിച്ചു. മാതുർ ഗ്രാമത്തിനടുത്ത്​ വെച്ച്​ ഹൈവേയിലുടെ സഞ്ചരിക്കുകയായിരുന്നു വിവാഹസംഘം സഞ്ചരിച്ച വാഹനം തടഞ്ഞ്​ നിർത്തിയാണ്​ കൊള്ള നടത്തിയത്​. യു.പിയിലുടെ കടന്നുപോകുന്ന ദേശീയപാതകളിലെ രാത്രി യാത്ര സുരക്ഷിതമല്ലെന്ന്​ തെളിയിക്കുന്നതാണ്​ സംഭവം.

മുസാഫർനഗർ സ്വദേശിയായ ഷജീബും വധു ഫർഹാനും കുടുംബാംഗങ്ങളുമാണ്​ കാറിലുണ്ടായിരുന്നത്​. പാർഥാപുരിൽ നിന്ന്​ ഭക്ഷണം കഴിച്ച്​ യാത്ര തുടർന്ന ഇവരെ ഒരു സംഘം കാറിൽ പിന്തുടരുകയായിരുന്നു. മാതുർ ഗ്രാമത്തിന്​ സമീപത്ത്​ വെച്ച്​ ഒരു ഇവരെ തടയകയും ആഭരണങ്ങളും പണവും നൽകാൻ ആവശ്യപ്പെടുകയുമായിരുന്നു. എന്നാൽ, ഇതിന്​ വിസമ്മതിച്ച ഫർഹാ​നെ സംഘാംഗങ്ങളിലൊരാൾ വെടിവെക്കുകയായിരുന്നു.

ഷജീബി​​​െൻറ കുടുംബാംഗങ്ങൾ ഉടൻ തന്നെ ഫർഹാനെ 29 കിലോ മീറ്റർ അ​കലെയുള്ള മെഡിക്കൽ കോളജിൽ പ്രവശേിപ്പിച്ചുവെങ്കിലും രക്ഷിക്കാനായില്ല. മോഷ്​ടാക്കാളെ തിരിച്ചറിയാനായി യു.പിയിലെ ടോൾ ബൂത്തുകളുടെയും പെട്രോൾ പമ്പുകളി​ലേയും സി.സി.ടി.വി ദൃശ്യങ്ങൾ പരിശോധിക്കുകയാണെന്ന്​ പൊലീസ്​ അറിയിച്ചു. പുതിയ സംഭവത്തോടെ ഡൽഹിയെ ഡെറാഡൂണുമായി ബന്ധിപ്പിക്കുന്ന ദേശീയപാത 58ലെ സുരക്ഷ സംബന്ധിച്ച്​ വീണ്ടും ചോദ്യങ്ങൾ ഉയരുകയാണ്​. 2016 ജൂലൈയിൽ യു.പിയിലെ ഹൈവേയിൽ വെച്ച്​ പ്രായപൂർത്തിയാകാത്ത പെൺകുട്ടിയും അമ്മയും ബലാൽസംഗത്തിന്​ ഇരയായിരുന്നു. തുടർന്ന്​ ഹൈവേകളിലെ സുരക്ഷ കർശനമാക്കാൻ യു.പി പൊലീസിന്​ സർക്കാർ നിർദേശം നൽകിയിരുന്നു