സൂചി നൊബേൽ സമ്മാനം തിരിച്ചു നൽകണമെന്ന്​ കൈലാഷ്​ സത്യാർഥി

ഭോപ്പാൽ: മ്യാൻമർ ഭരണകക്ഷി നേതാവ് ഒാങ് സാൻ സൂചി നൊബേൽ സമ്മാനം തിരിച്ചു നൽകാൻ തയാറാവണമെന്ന്​ സാമൂഹ്യ പ്രവർത്തകനും നൊബേൽ സമ്മാന ജേതാവുമായ​ കൈലാഷ്​ സത്യാർഥി. മാനുഷിക മൂല്യങ്ങൾക്ക്​ വില കൽപ്പിക്കാത്ത സർക്കാരാണ്​ സൂചിയുടേതെന്നും അദ്ദേഹം കുറ്റപ്പെടുത്തി. 

ആഗോള സമൂഹം ചുരുങ്ങിയത്​ ഒന്നര വർഷമെങ്കിലും റോഹിങ്ക്യരുടെ അവകാശ സംരക്ഷണത്തിന്​ തയാറാവണം. പ്രശ്​നത്തിൽ  ഇടപെടണമെന്ന് ആവശ്യപ്പെട്ട്​ യു.എൻ സമിതിക്ക്​ കത്തയച്ചിട്ടുണ്ടെന്നും സത്യാർഥി പറഞ്ഞു. റോഹിങ്ക്യൻ പ്രശ്​നത്തിൽ മ്യാൻമർ സർക്കാറിനെതിരെ ​രൂക്ഷവിമർശനം ഉന്നയിക്കവെയാണ്​ സത്യാർഥിയുടെ പരാമർശം.

കഴിഞ്ഞ വർഷം ഇന്ത്യയിൽ കുട്ടികൾക്ക് നേരെയുള്ള അതിക്രമങ്ങൾക്ക് 15000 ​പേർക്കെതിരെ കുറ്റപത്രം സമർപ്പിക്കപ്പെട്ടങ്കിലും 40 ശതമാനം മാത്രമാണ്​ ശിക്ഷിക്കപ്പെട്ടത്. 60 ശതമാനം പ്രതികൾ മതിയായ തെളിവില്ലാത്തതിനാൽ രക്ഷപ്പെ​െട്ടന്നും അദ്ദേഹം  വ്യക്തമാക്കി. 

ബാലവേലക്കെതിരെയും കുട്ടികൾക്കെതിരെയുള്ള ലൈംഗികവും അല്ലാത്തതുമായ കുറ്റകൃത്യങ്ങൾക്കെതിരെയും  ബോധവൽകരണം നടത്തുന്നതിനായി 22 സംസ്​ഥാനങ്ങളിലൂടെ 11000 കിലോമീറ്റർ യാത്ര ചെയ്​ത്​ ബോധവൽകരണം  നടത്തും. വിവര സാ​േങ്കതികവിദ്യ വലിയ വികാസം പ്രാപിച്ച കാലഘട്ടത്തിൽ പോലും കുട്ടികളുടെ അവകാശങ്ങൾ  ഹനിക്കപ്പെടുന്നത്​ ദൗർഭാഗ്യകരമാണെന്നും സത്യാർഥി കൂട്ടിച്ചേർത്തു. 'ശിശു സുരക്ഷിത  ഇന്ത്യ' എന്ന ലക്ഷ്യവുമായി നടത്തുന്ന ഭാരതയാത്രയുമായി ഭോപ്പാലിൽ  എത്തിയതായിരുന്നു സത്യാർഥി.