റോഹിങ്ക്യകൾ വലിഞ്ഞ്​ കയറി വന്നവരെന്ന്​ യോഗി ആദിത്യനാഥ്​

ന്യൂഡൽഹി: റോഹിങ്ക്യകൾ അഭയാർഥിക​ളല്ല ഇന്ത്യയിലേക്ക്​ വലിഞ്ഞ്​ കയറി വന്നവരാണെന്ന്​ യു.പി മുഖ്യമന്ത്രി യോഗി ആദിത്യനാഥ്​. വാർത്താ എജൻസിയായ എ.എൻ.​െഎക്ക്​ നൽകിയ അഭിമുഖത്തിലാണ്​ റോഹിങ്ക്യൻ മുസ്​ലിംകൾക്കെതിരെ ആദിത്യനാഥ്​ വിവാദ പരാമർശം നടത്തിയത്​​. ​റോഹിങ്ക്യകളുടെ കാര്യത്തിൽ ചിലർ പ്രകടപ്പിക്കുന്ന സഹാനുഭുതിയും സങ്കടവും അപലപനീയമാണെന്നും യോഗി പറഞ്ഞു.

റോഹിങ്ക്യകളുടെ കാര്യത്തിൽ ഇന്ത്യ നിലപാട്​ വ്യക്​തമാക്കിയിട്ടുണ്ട്​. അവർ രാജ്യത്തേക്ക്​ വലിഞ്ഞ്​ കയറി വന്നവരാണ്​. നിരവധി ഹിന്ദുക്കൾ റോഹിങ്ക്യകളുടെ ആക്രമണത്തിൽ മ്യാൻമറിൽ കൊല്ലപ്പെട്ടിട്ടുണ്ട്​. പല റോഹിങ്ക്യൻ സംഘടനകൾക്കും തീവ്രവാദ ബന്ധമു​ണ്ടെന്നും അദ്ദേഹം ആരോപിച്ചു.

റോഹിങ്ക്യകളെ നാട്​ കടത്തുന്നതുമായി ബന്ധപ്പെട്ട കേസിൽ അവർ അഭയാർഥികളല്ലെന്ന്​ കേന്ദ്രസർക്കാർ സുപ്രീംകോടതിയിൽ  സത്യവാങ്​മൂലം നൽകിയിരുന്നു. ഇന്ത്യക്കാരുടെ സുരക്ഷക്ക്​ റോഹിങ്ക്യകൾ ഭീഷണിയാണെന്നും സർക്കാർ വ്യക്​തമാക്കിയിരുന്നു.