ബിഹാറിൽ 389 കോടി ചെലവഴിച്ച്​ പണിതീർത്ത കനാൽ തകർന്നു

പാട്​ന: ബിഹാറിൽ ജനസേചന പദ്ധതിയുടെ ഭാഗമായി 389 കോടി രൂപ ചെലവഴിച്ച്​ നിർമ്മിച്ച കനാൽ ഉദ്​ഘാടനത്തിന്​ മുമ്പ്​ തകർന്നു. ബിഹാറിലും അയൽ സംസ്ഥാനമായ ജാർഖണ്ഡിനും ജലസേചനത്തിന്​ കനാൽ വഴി വെള്ളമെത്തിക്കുക എന്ന ലക്ഷ്യത്തോടെ 800 കോടി ചെലവഴിച്ച ഗതേശ്വർ പാന്ത്​ കനാൽ പ്രൊജക്​റ്റി​​െൻറ ഭാഗമായ കനാലാണ് തകർന്നത്​. ഭഗൽപുർ ജില്ലയി​െല ബദേശ്വർസ്ഥാനിൽ നിർമിച്ച പുതിയ കനാലായിരുന്നു ഇത്​.

ജലസേചന പദ്ധതിയുടെ ഉദ്​ഘാടനത്തിന്​ മുന്നോടിയായുള്ള പരീക്ഷണഘട്ടത്തിൽ ഗംഗയിൽ നിന്നും പമ്പുചെയ്​ത െവള്ളത്തി​​െൻറ ശക്തി താങ്ങാനാകാതെ കനാലി​​െൻറ ഒരു ഭാഗം പൂർണമായും തകർന്ന്​ ഒലിച്ചുപോവുകയായിരുന്നു. വെള്ളം സമീപപ്രദേശത്തേക്കും ജനവാസകേന്ദ്രങ്ങളിലേക്കും ഒഴുകി. പദ്ധതി പ്രദേശത്തിൽ നിന്നും മൂന്നു കിലോമീറ്റർ ചുറ്റളവിൽ വെള്ളം നിറഞ്ഞതായും സ്ഥിതിഗതികൾ നിയന്ത്രണവിധേയമാണെന്നും ജലവകുപ്പ്​ പ്രിൻസിപ്പൽ സെക്രട്ടറി അരുൺകുമാർ സിങ്​ അറിയിച്ചു. 

ഗതേശ്വർ പാന്ത്​ കനാൽ പ്രൊജക്​റ്റ്​  മുഖ്യമന്ത്രി നിതീഷ്​ കുമാർ ഇന്ന്​ ഉദ്​ഘാടനം ചെയ്യാനിരിക്കെയാണ്​ അപകടം. സാ​േങ്കതിക കാരണങ്ങളാൽ ജലസേചന പദ്ധതി ഉദ്​ഘാടനം റദ്ദാക്കിയെന്നാണ്​ അധികൃതർ അറിയിച്ചത്​.
ബിഹാർ-ജാർഖണ്ഡ്​ സംസ്ഥാനങ്ങൾ സംയുക്തമായി നടത്തുന്ന പദ്ധതിയാണ്​ ഇത്​.