ആർ.എസ്​.എസിന്​ ആൾ ഇന്ത്യ റേഡിയോയേക്കാൾ പ്രചാരമുണ്ടെന്ന്​ വാദം

ന്യൂഡൽഹി: രാജ്യത്ത്​ ആൾ ഇന്ത്യ റേഡിയോയേക്കാൾ തങ്ങൾക്ക്​ പ്രചാരമുണ്ടെന്ന വാദവുമായി ആർ.എസ്​.എസ്​. നാഗ്​പൂരിലെ ​ ആസ്ഥാനത്തിൽ നടക്കുന്ന അഖില ഭാരതീയ പ്രതിനിധി സഭയിലാണ്​ ഇന്ത്യയിൽ 58,976 ശാഖകളുണ്ടെന്ന്​ ആർ.എസ്​.എസ് വ്യക്തമാക്കിയത്​. ആൾ ഇന്ത്യ റേഡിയോക്ക്​ രാജ്യത്ത്​ 92 ശതമാനം പ്രദേശങ്ങളിൽ പ്രചാരമുള്ളപ്പോൾ ആർ.എസ്​.എസ്​​ 95 ശതമാനം മേഖലകളിലും വ്യാപിച്ചിട്ടു​​ണ്ടെന്നാണ്​ സംഘടനയുടെ വാദം. 

2017 മാർച്ചിൽ 57165 ശാഖകൾ ഉണ്ടായിരു​ന്നുവെന്നും ഒരു വർഷം പിന്നിടു​േമ്പാൾ അത്​ 58,976 ആയി ഉയർന്നുവെന്നും കണക്കുകൾ ചൂണ്ടികാണിക്കുന്നു. ആൾ ഇന്ത്യ റേഡിയോക്ക്​ രാജ്യത്താകമാനം ജനങ്ങളുമായി ബന്ധപ്പെടാൻ 262 സ്​റ്റേഷനുകളാണുള്ളതെന്ന്​ ആർ.എസ്​.എസ്​ ശാഖകളുടെ എണ്ണത്തെ താരതമ്യപ്പെടുത്തികൊണ്ട്​ സംഘടന പറയുന്നു. 

നാഗാലാൻറ്​, മിസോറാം, കശ്​മീർ തുടങ്ങിയ സംസ്ഥാനങ്ങളിലെ ചില പ്രദേശങ്ങളിൽ മാത്രമാണ്​ ശാഖകൾ ഇല്ലാത്തത്​. രാജ്യത്തി​​​െൻറ 95 ശതമാനം പ്രദേശങ്ങളിലും ആർ.എസ്​.എസി​​​െൻറ പ്രവർത്തനങ്ങൾ എത്തുന്നുണ്ടെന്നും ജോയിൻറ്​ സെക്രട്ടറി കൃഷ്​ണ ഗോപാൽ പറഞ്ഞു. 

2004 ൽ ബി.ജെ.പി അധികാരത്തിലിരിക്കു​േമ്പാൾ 10,000 ശാഖകളാണ്​ ആർ.എസ്.എസിന്​ ഉണ്ടായിരുന്നത്​.