കോവിഡ്​ 19: മുതലാളിത്തവും കമ്യൂണിസവും പരാജയപ്പെട്ടു; ആർ.എസ്​.എസി​െൻറ പുതിയ വികസന മാതൃക

ന്യൂഡൽഹി: കോവിഡ്​ 19 വൈറസ്​ ബാധ​െയ പ്രതിരോധിക്കുന്നതിൽ മുതലാളിത്തവും കമ്യൂണിസവും പരാജയപ്പെട്ടുവെന്ന്​ ആർ.എസ്​.എസ്​. കോവിഡ്​ 19 മൂലമുണ്ടായ സാമ്പത്തിക പ്രതിസന്ധി മറികടക്കാൻ സ്വയംപര്യാപ്​തയിൽ ഊന്നിയുള്ള സ്വദേശി വികസന മാതൃക​ വേണമെന്നും ആർ.എസ്​.എസ് ജോയിൻറ്​ ജനറൽ സെക്രട്ടറി ദത്താത്രേയ ഹോസബാലെ ​ആവശ്യപ്പെട്ടു. 

കോവിഡ്​ 19 വൈറസി​​െൻറ ഉറവിടത്തെ കുറിച്ചും അതി​​െൻറ കാരണത്തെ കുറിച്ചും അന്വേഷണം വേണം. അത്​ സമ്പദ്​വ്യവസ്ഥകളിൽ സൃഷ്​ടിച്ചേക്കാവുന്ന ആഘാതത്തെ കുറിച്ചും പഠനം വേണം. ഭാവിയിൽ ഇത്തരം സാഹചര്യങ്ങളുണ്ടാകാതിരിക്കാൻ കരുതൽ വേണമെന്നും ആർ.എസ്​.എസ്​ വ്യക്​തമാക്കി. കോവിഡ്​ 19 വൈറസ്​ ബാധയെ പിടിച്ച്​ നിർത്താൻ ഇന്ത്യക്ക്​ കഴിഞ്ഞിട്ടുണ്ട്​. മറ്റ്​ രാജ്യങ്ങളുമായി താരതമ്യം ചെയ്യു​േമ്പാൾ ഇന്ത്യയിൽ മരണങ്ങൾ കുറവാണെന്നും അദ്ദേഹം പറഞ്ഞു.

പുതിയ വികസനമാതൃക മുന്നോട്ട്​ വെക്കു​േമ്പാൾ ആരും അതിൽ നിന്ന്​ പുറത്താകാതിരിക്കാൻ ശ്രദ്ധിക്കണം. എല്ലാവരെയും ഉൾക്കൊള്ളുന്ന ഇന്ത്യയുടെ പാരമ്പര്യത്തിൽ ഊന്നിയാവണം പുതിയ മാതൃകയെന്നും അദ്ദേഹം  ആവശ്യപ്പെട്ടു.