ഹിന്ദുക്കൾ ‘ഒരു ക്ഷേത്രം, ഒരു കിണർ, ഒരു ശ്മശാനം’ എന്ന തത്ത്വം സ്വീകരിക്കണം -മോഹൻ ഭാഗവത്

അലീഗഢ് (യു.പി): ജാതി വ്യത്യാസങ്ങൾ അവസാനിപ്പിക്കാനായി ‘ഒരു ക്ഷേത്രം, ഒരു കിണർ, ഒരു ശ്മശാനം’ എന്ന തത്ത്വം സ്വീകരിച്ച് സമൂഹ ഐക്യത്തിനായി പരിശ്രമിക്കാൻ ആർ.എസ്.എസ് മേധാവി മോഹൻ ഭാഗവത് ഹിന്ദു സമൂഹത്തോട് ആവശ്യപ്പെട്ടു.

അഞ്ച് ദിവസത്തെ അലീഗഢ് സന്ദർശനത്തിനിടെ, ആർ.എസ്.എസ് ശാഖകളിൽ പങ്കെടുത്ത സ്വയംസേവകരുമായി സംസാരിക്കുകയായിരുന്നു അദ്ദേഹം. സമാധാനത്തിനായുള്ള ആഗോള ഉത്തരവാദിത്തം നിറവേറ്റാൻ ഇന്ത്യക്ക് യഥാർഥ സാമൂഹിക ഐക്യം കൈവരിക്കേണ്ടത് പ്രധാനമാണെന്ന് അദ്ദേഹം പറഞ്ഞു.

സമൂഹത്തിലെ എല്ലാ വിഭാഗങ്ങളിലേക്കും എത്തിച്ചേരാനും അടിസ്ഥാനതലങ്ങളിൽ ഐക്യ സന്ദേശം പ്രചരിപ്പിക്കാൻ അവരെ വീടുകളിലേക്ക് ക്ഷണിക്കാനും അദ്ദേഹം നിർദേശിച്ചു.