ആർ.എസ്​.എസ്​ തലവൻ മോഹൻ ഭാഗവതിന്​ കോവിഡ്​; ആശുപത്രിയിൽ പ്രവേശിപ്പിച്ചു

നാഗ്​പൂർ: ആർ.എസ്​.എസ്​ തലവൻ മോഹൻ ഭാഗവതിന്​ കോവിഡ്​ സ്ഥിരീകരിച്ചു. രോഗബാധയെ തുടർന്ന്​ അദ്ദേഹത്തെ നാഗ്​പൂരിലെ കിങ്​സ്​വേ ആശുപത്രിയിൽ പ്രവേശിപ്പിച്ചു.

ഗുരുതരമായ രോഗലക്ഷണങ്ങൾ അദ്ദേഹത്തിനില്ലെന്ന്​ ആർ.എസ്​.എസ്​ അറിയിച്ചു. സാധാരണ പരിശോധനയാണ്​ നടക്കുന്നതെന്നും സംഘടന ട്വീറ്റ്​ ചെയ്​തു. മാർച്ച്​ ഏഴിന്​ കോവിഡ്​ വാക്​സിന്‍റെ ഒന്നാമത്തെ ഡോസ്​ മോഹൻ ഭാഗവത്​ സ്വീകരിച്ചിരുന്നു.

കോവിഡിന്‍റെ രണ്ടാം തരംഗം ഏറ്റവും രൂക്ഷമായി തുടരുന്ന സ്ഥലങ്ങളിലൊന്നാണ്​ മഹാരാഷ്​ട്ര. സംസ്ഥാനത്ത്​ പ്രതിദിന രോഗികളുടെ എണ്ണം 60,000ത്തോട്​ അടുക്കുകയാണ്​.