കർഷകരെ സഹായിക്കാൻ കൃഷിമന്ത്രി ശ്രമിക്കുന്നു; വിമർശനവുമായി ആർ.എസ്​.എസ്​ നേതാവ്​

ഭോപ്പാൽ: കർഷകസമരവുമായി ബന്ധപ്പെട്ട്​ കൃഷിമന്ത്രി നരേന്ദ്ര സിങ്​ തോമറിനെതിരെ വിമർശനവുമായി ആർ.എസ്​.എസ്​ നേതാവ്​ രഘുനന്ദൻ ശർമ്മ. തോമറിന്​ അധികാരത്തിന്‍റെ ധാർഷ്​ട്യമാണെന്ന്​ രാജ്യസഭ മുൻ എം.പി കൂടിയായ ശർമ്മ പറഞ്ഞു. കർഷകരെ സഹായിക്കാൻ തോമർ ശ്രമിക്കുന്നുവെന്ന്​ ആരോപിച്ചാണ്​ ശർമ്മയുടെ വിമർശനം. ഫേസ്​ബുക്ക്​ കുറിപ്പിലൂടെയാണ്​ ​പ്രതികരണം.

നരേന്ദ്ര സിങ്​ തോമർ നിങ്ങൾ ഒരു സർക്കാറിന്‍റെ ഭാഗമാണ്​. കർഷക​െര സഹായിക്കുക എന്നതാണ്​ നിങ്ങളുടെ ലക്ഷ്യം. പക്ഷേ ചില ആളുകൾ സഹായം അർഹിക്കുന്നില്ല. നഗ്​നരായിരിക്കാൻ ചിലർ ആഗ്രഹിക്കുകയാണെങ്കിൽ അവരെ നിർബന്ധിച്ച്​ വസ്​ത്രം ധരിപ്പിക്കാനാവില്ലെന്ന്​ ശർമ്മ പറഞ്ഞു.

അധികാരത്തിന്‍റെ ധാർഷ്​ട്യം നിങ്ങളെ ബാധിച്ചിരിക്കുന്നു. എന്തുകൊണ്ടാണ്​ ജനവിധിയിൽ നിങ്ങൾ പരാജയപ്പെടുന്നത്​. കോൺഗ്രസിന്‍റെ എല്ലാ ചീഞ്ഞ നയങ്ങളും ഉയർത്തിപ്പിടിക്കുകയാണ്​ നാം ചെയ്യുന്നത്​. ദേശീയത​െയ ശക്​തിപ്പെടുത്തുകയാണ്​ നിങ്ങളുടെ കർത്തവ്യമെന്നും ശർമ്മ നരേന്ദ്ര സിങ്​ തോമറിനെ ഓർമിപ്പിച്ചു.