റിമോട്ട്​ കൺട്രോൾ ഭരണത്തിന്​ മൂന്നാമത്തെ തലമാറ്റം: ഗു​ജ​റാ​ത്തി​ൽ രൂ​പാ​ണി മാ​റി​യ​ത്​ സ​ങ്കീ​ർ​ണ സാ​ഹ​ച​ര്യ​ങ്ങ​ൾ​ക്കി​ട​യി​ൽ

ന്യൂ​ഡ​ൽ​ഹി: ഏ​ഴു വ​ർ​ഷ​മാ​യി ഗു​ജ​റാ​ത്തി​ൽ ന​ട​ക്കു​ന്ന റി​മോ​ട്ട്​ ക​ൺ​ട്രോ​ൾ ഭ​ര​ണം മൂ​ന്നാ​മ​ത്തെ ത​ല​മാ​റ്റ​ത്തി​ലേ​ക്ക്. കാ​ലാ​വ​ധി പൂ​ർ​ത്തി​യാ​ക്കാ​ൻ ഒ​രു വ​ർ​ഷ​ത്തി​ലേ​റെ ബാ​ക്കി നി​ൽ​ക്കേ, വി​ജ​യ്​ രൂ​പാ​ണി​യെ മാ​റ്റി പ്ര​തി​ഷ്​​ഠി​ക്കാ​ൻ മോ​ദി-​അ​മി​ത്​​ഷാ​മാ​ർ തീ​രു​മാ​നി​ച്ച​ത്​ സ​ങ്കീ​ർ​ണ സാ​ഹ​ച​ര്യ​ങ്ങ​ൾ​ക്കി​ട​യി​ൽ. പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ​യും ആ​ഭ്യ​ന്ത​ര മ​ന്ത്രി അ​മി​ത്​​ഷാ​യു​ടെ​യും ത​ട്ട​ക​മാ​യ ഗു​ജ​റാ​ത്തി​ലാ​ണ്​ ബി.​ജെ​പി വീ​ണ്ടും മു​ഖ്യ​മ​ന്ത്രി​യെ മാ​റ്റു​ന്ന​ത്. 27 വ​ർ​ഷ​മാ​യി ഭ​രി​ക്കു​ന്ന സം​സ്ഥാ​ന​ത്തെ ഭ​ര​ണ​പ​രാ​ജ​യ​ത്തി​െൻറ​യും ബി.​ജെ.​പി​യി​ലെ ഉ​ൾ​പോ​രു​ക​ളു​ടെ​യും ക​ഥ കൂ​ടി​യാ​ണ്​ ഇ​തി​​ൽ തെ​ളി​യു​ന്ന​ത്. 2001ൽ ​മു​ഖ്യ​​മ​ന്ത്രി​യാ​യ​തു മു​ത​ൽ ന​രേ​ന്ദ്ര​മോ​ദി അ​മ്മാ​ന​മാ​ടു​ന്ന സം​സ്ഥാ​ന​മാ​ണ്​ ഗു​ജ​റാ​ത്ത്.

2014ൽ ​പ്ര​ധാ​ന​മ​ന്ത്രി​യാ​യ ശേ​ഷ​വും ഗു​ജ​റാ​ത്തി​ലെ കാ​ര്യ​ങ്ങ​ൾ നി​യ​ന്ത്രി​ക്കു​ന്ന​ത്​ മോ​ദി-​അ​മി​ത്​​ഷാ​മാ​ർ ത​ന്നെ. ഇ​വ​രു​ടെ റ​ബ​ർ സ്​​റ്റാ​മ്പ്​ എ​ന്ന​തി​ന​പ്പു​റ​ത്തെ അ​ധി​കാ​ര​വും പി​ൻ​ബ​ല​വു​മൊ​ന്നും ആ​ദ്യം മു​ഖ്യ​മ​ന്ത്രി​യാ​യ ആ​ന​ന്ദി ബെ​ൻ പ​​ട്ടേ​ലി​നോ, വി​ജ​യ്​ രൂ​പാ​ണി​ക്കോ ഉ​ണ്ടാ​യി​രു​ന്നി​ല്ല. പ​ല വി​ധ​ത്തി​ലു​ള്ള വീ​ഴ്​​ച​ക​ളാ​ണ്​ ഈ ​രാ​ജി​യി​ലൂ​ടെ മോ​ദി-​അ​മി​ത്​​ഷാ​മാ​ർ തു​റ​ന്നു സ​മ്മ​തി​ക്കു​ന്ന​ത്. ഒ​ന്ന്​, ആ​ന​ന്ദി​ബെ​ൻ പ​​ട്ടേ​ലി​നെ​പ്പോ​ലെ ത​ന്നെ വി​ജ​യ്​ രൂ​പാ​ണി​​യേ​യും മു​ഖ്യ​മ​ന്ത്രി​യാ​ക്കി​യ​ത്​ ശ​രി​യാ​യ തീ​രു​മാ​ന​മാ​യി​രു​ന്നി​ല്ല. ര​ണ്ട്​, നി​യ​മ​സ​ഭ തെ​ര​ഞ്ഞെ​ടു​പ്പു ന​ട​​ക്കാ​നി​രി​ക്കേ മു​ഖ്യ​മ​ന്ത്രി​യെ മാ​റ്റേ​ണ്ടി വ​ന്ന​ത്​ ഭ​ര​ണ​പ​രാ​ജ​യ​ത്തി​ൽ നി​ന്ന്​ ര​ക്ഷ​പ്പെ​ടാ​നാ​ണ്. മൂ​ന്ന്​, റി​മോ​ട്ട്​ ക​ൺ​ട്രോ​ൾ ഭ​ര​ണ​ത്തി​നി​ട​യി​ലും ഗു​ജ​റാ​ത്തി​ലെ പാ​ർ​ട്ടി​ക്കു​ള്ളി​ൽ ആ​ഭ്യ​ന്ത​ര സം​ഘ​ർ​ഷ​ങ്ങ​ൾ വ​ർ​ധി​ക്കു​ന്നു. നാ​ല്​, അ​ടു​ത്ത വ​ർ​ഷം ന​ട​ക്കാ​നി​രി​ക്കു​ന്ന തെ​ര​ഞ്ഞെ​ടു​പ്പി​ലെ ജ​യം മു​ൻ​കാ​ല​ങ്ങ​ളി​ലെ​പ്പോ​ലെ അ​നാ​യാ​സ​മ​ല്ല. തെ​ര​ഞ്ഞെ​ടു​പ്പി​ലേ​ക്ക്​ ഇ​നി​യും ബാ​ക്കി​യു​ള്ള ഒ​രു വ​ർ​ഷം കൊ​ണ്ട്​ പ്ര​തിഛാ​യ മെ​ച്ച​പ്പെ​ടു​ത്താ​നും ജാ​തി സ​മ​വാ​ക്യ​ങ്ങ​ളി​ലെ പി​ഴ​വു​ക​ൾ തി​രു​ത്താ​നും സാ​ധി​ക്കു​മെ​ന്നാ​ണ്​ ക​ണ​ക്കു​കൂ​ട്ട​ൽ. അ​ത്ത​ര​ത്തി​ൽ അ​നി​വാ​ര്യ​മാ​യ ത​ല​മാ​റ്റ​മാ​ണ്​ ഗു​ജ​റാ​ത്തി​ൽ പൂ​ർ​ത്തി​യാ​ക്കു​ന്ന​ത്.

സി.​ആ​ർ. പ​​ാ​ട്ടീ​ലി​നെ സം​സ്ഥാ​ന ബി.​ജെ.​പി അ​ധ്യ​ക്ഷ​നാ​ക്കി​യ​തു മു​ത​ൽ അ​ദ്ദേ​ഹ​വും രൂ​പാ​ണി​യു​മാ​യു​ള്ള ശീ​ത​സ​മ​രം ന​ട​ക്കു​ന്നു​ണ്ട്. ഇ​തൊ​ഴി​വാ​ക്കാ​ൻ ആ​ന​ന്ദി ബെ​ൻ പ​​ട്ടേ​ലി​െൻറ കാ​ര്യ​ത്തി​ലെ​ന്ന പോ​ലെ, ഗ​വ​ർ​ണ​ർ​പ​ദം ന​ൽ​കി സം​സ്ഥാ​ന​ത്തി​ന്​ പു​റ​ത്തേ​ക്ക്​ രൂ​പാ​ണി​യേ​യും അ​യ​ക്കാ​നാ​ണ്​ വ​ഴി. രൂ​പാ​ണി​യെ ഈ ​ഘ​ട്ട​ത്തി​ൽ മാ​റ്റി​യി​ല്ലെ​ങ്കി​ൽ നി​യ​മ​സ​ഭ തെ​ര​ഞ്ഞെ​ടു​പ്പ്​ അ​ദ്ദേ​ഹ​ത്തി​െൻറ നേ​തൃ​ത്വ​ത്തി​ലാ​ണ്​ ന​ട​ക്കു​ക. ജ​യി​ച്ചാ​ൽ സ്വാ​ഭാ​വി​ക​മാ​യും അ​ടു​ത്ത മു​ഖ്യ​മ​ന്ത്രി​യും രൂ​പാ​ണി ത​ന്നെ​യാ​കും. അ​ത്ര​യും ശ​ക്ത​മാ​യ അ​ടി​ത്ത​റ രൂ​പാ​ണി​ക്ക്​ ഒ​രു​ക്കി​ക്കൊ​ടു​ക്കാ​ൻ മോ​ദി-​അ​മി​ത്​​ഷാ​മാ​ർ ത​യാ​റ​ല്ല. ഗു​ജ​റാ​ത്തി​ലെ ജ​ന​സം​ഖ്യ​യി​ൽ ര​ണ്ടു ശ​ത​മാ​നം മാ​ത്രം വ​രു​ന്ന ജെ​യി​ൻ സ​മു​ദാ​യ പ്ര​തി​നി​ധി​യാ​യ രൂ​പാ​ണി​ക്ക്​ ഇ​തി​ൽ കൂ​ടു​ത​ൽ സാ​വ​കാ​ശം ന​ൽ​കി കാ​ത്തു​നി​ൽ​ക്കാ​ൻ പ്ര​ബ​ല സ​മു​ദാ​യ​ങ്ങ​ളാ​യ പ​​ട്ടേ​ൽ, പാ​ട്ടീ​ദാ​ർ വി​ഭാ​ഗ​ങ്ങ​ൾ ത​യാ​റു​മാ​യി​രു​ന്നി​ല്ല. അ​തി​ലൊ​രു വി​ഭാ​ഗ​ക്കാ​ര​നാ​കും അ​ടു​ത്ത മു​ഖ്യ​മ​ന്ത്രി.

ബി.ജെ.പി അടിക്കടി മാറ്റിയത്​ നാലു മുഖ്യമന്ത്രിമാരെ

ന്യൂ​ഡ​ൽ​ഹി: സാ​മു​ദാ​യി​ക സ​ന്തു​ല​ന​ത്തി​നും ഭ​ര​ണ പ​രാ​ജ​യ​ത്തി​നും ഉ​ൾ​പാ​ർ​ട്ടി വ​ഴ​ക്കു​ക​ൾ​ക്കു​മി​ട​യി​ൽ സ​മീ​പ​കാ​ല​ത്ത്​ ബി.​ജെ.​പി​ക്ക്​ മാ​റ്റേ​ണ്ടി വ​ന്ന​ത്​ നാ​ലു മു​ഖ്യ​മ​ന്ത്രി​മാ​രെ​. ഏ​റ്റ​വു​മൊ​ടു​വി​ലാ​യി ഗു​ജ​റാ​ത്തി​ൽ വി​ജ​യ്​ രൂ​പാ​ണി പ​ടി​യി​റ​ങ്ങു​ന്നു. പി​ടി​ച്ചു നി​ൽ​ക്കാ​ൻ ഏ​റെ പ​ണി​പ്പെ​​ട്ടെ​ങ്കി​ലും ക​ർ​ണാ​ട​ക​ത്തി​ൽ ബി.​എ​സ്. യെ​ദി​യൂ​ര​പ്പ​ക്ക്​ ക​സേ​ര പോ​വു​ക ത​ന്നെ ചെ​യ്​​തു. ഉ​ത്ത​രാ​ഖ​ണ്ഡി​ൽ ത്രി​വേ​ന്ദ്ര റാ​വ​ത്തി​നെ മാ​റ്റി പ്ര​തി​ഷ്​​ഠി​ച്ച തീ​ര​ത്​​സി​ങ്​ റാ​വ​ത്തി​ന്​ 116 ദി​വ​സം കൊ​ണ്ട്​ രാ​ജി​വെ​ക്കേ​ണ്ടി വ​ന്നു.

പു​ഷ്​​ക​ർ​സി​ങ്​ ധാ​മി ജൂ​ലൈ ആ​ദ്യം മു​ഖ്യ​മ​ന്ത്രി​യാ​യി. എ​ന്നാ​ൽ ഭ​ര​ണ​പ​രാ​ജ​യ​മോ പാ​ർ​ട്ടി​യി​ലെ വ​ഴ​ക്കു​ക​ളോ സാ​മു​ദാ​യി​ക സ​ന്തു​ല​ന പ്ര​​ശ്​​ന​ങ്ങ​ളോ ബാ​ധ​ക​മാ​കാ​തെ യു.​പി​യി​ൽ യോ​ഗി ആ​ദി​ത്യ​നാ​ഥ്​ മു​ഖ്യ​മ​ന്ത്രി​ക്ക​സേ​ര​യി​ൽ തു​ട​രു​ന്നു. അ​ദ്ദേ​ഹ​ത്തെ മാ​റ്റാ​നു​ള്ള സ​മ്മ​ർ​ദ​ങ്ങ​ൾ ആ​ർ.​എ​സ്.​എ​സ്​ താ​ൽ​പ​ര്യ​ങ്ങ​ൾ മൂ​ലം ഫ​ലം ക​ണ്ടി​ല്ല. ന​രേ​ന്ദ്ര​മോ​ദി പ്ര​ധാ​ന​മ​ന്ത്രി​യാ​യ​പ്പോ​ൾ പ്ര​തി​ഷ്​​ഠി​ച്ച ആ​ന​ന്ദി ബെ​ൻ പ​​ട്ടേ​ലി​നെ ര​ണ്ടു വ​ർ​ഷം ക​ഴി​ഞ്ഞ​പ്പോ​ൾ മാ​റ്റി​യാ​ണ്​ രൂ​പാ​ണി​യെ മു​ഖ്യ​മ​ന്ത്രി​യാ​ക്കി​യ​ത്.