രാജ്യസഭയിൽ ആദ്യമായി സചിൻ ചർച്ച നയിക്കും

ന്യൂഡൽഹി: കുട്ടികൾക്ക്​ കളിക്കാനുള്ള അവകാശത്തിനു വേണ്ടി ക്രിക്കറ്റ്​ ദൈവം സചിൻ ടെണ്ടുൽക്കൽ ഇന്ന്​ രാജ്യസഭയിൽ ചർച്ച നയിക്കും. 

കളിക്കാനുള്ള അവകാശവും ഇന്ത്യൻ സ്​പോർട്​സി​​െൻറ ഭാവിയും എന്ന വിഷയത്തിലാണ്​ ചർച്ച. 2012 ഏ​പ്രിലിൽ രാജ്യസഭയിലെത്തിയ ശേഷം ആദ്യമായാണ്​ സചിൻ ചർച്ച നയിക്കുന്നത്​. 

കായിക വിദ്യാഭ്യാസം കരിക്കുലത്തിൽ ഉൾപ്പെടുത്തുന്നത്​ ഭരണഘടനാപരമായ അവകാശമാക്കണം, എല്ലാ കുട്ടികൾക്കും കായിക വിദ്യാഭ്യാസത്തിനുള്ള സാഹചര്യം ഉറപ്പാക്കണമെന്നുമാണ്​ ചർച്ചയിൽ ആവശ്യപ്പെടുന്നത്​.