കുടുംബത്തോടെ നികുതി വെട്ടിക്കുന്ന ​'ദൈവം'; 60 കോടിയുടെ അനധികൃത വിദേശ നിക്ഷേപം, പണ്ടോറ പേപ്പറിൽ ഞെട്ടിക്കുന്ന വിവരങ്ങൾ

മുൻ ഇന്ത്യൻ ക്രിക്കറ്റ്​ താരം സച്ചിൻ ടെണ്ടുൽക്കറുടേയും കുടുംബത്തി​േൻറയും വിദേശ നിക്ഷേപങ്ങളെപറ്റിയുള്ള ഞെട്ടിക്കുന്ന വിവരങ്ങളും പണ്ടോറ പേപ്പറിൽ. ലോകത്താകമാനമുള്ള പണക്കാരുടെ അനധികൃത നിക്ഷേപങ്ങൾ സംബന്ധിച്ച വിവരങ്ങൾ പുറത്തുകൊണ്ടുവന്ന സംഘത്തിന്​ ലഭിച്ചത്​ അവിശ്വസനീയ വിവരങ്ങളാണ്​. വാഷിങ്​ടൺ കേന്ദ്രമായുള്ള അന്താരാഷ്​ട്ര അന്വേഷണാത്മക മാധ്യമപ്രവർത്തകരുടെ സംഘത്തി​‍െൻറ (ഐ.സി.ഐ.ജെ) നേതൃത്വത്തിലായിരുന്നു അന്വേഷണം.

ഇന്ത്യയുൾപ്പടെ വിവിധ രാജ്യങ്ങളിൽ നിന്നുള്ള 150 മാധ്യമ സ്ഥാപനങ്ങളുടെയും 600 മാധ്യമപ്രവർത്തകരുടേയും പിന്തുണ ഇതിനുണ്ടായിരുന്നു.​ 'പണ്ടോറ പേപ്പേഴ്​സ്​' എന്ന പേരിലാണ്​ പുതിയ വിവരങ്ങൾ പുറത്തുവിട്ടിരിക്കുന്നത്​. സച്ചിൻ, ഭാര്യ അഞ്​ജലി, ഭാര്യാ മാതാവ്​ ആനന്ദ്​ മെഹ്​ത എന്നിവർക്ക്​ 60 കോടിയുടെ നിക്ഷേപം വിദേശത്ത്​ ഉണ്ടെന്ന്​ പണ്ടോറ പേപ്പറിൽ ഇന്ത്യയിൽ നിന്ന്​ ഭാഗഭാക്കായ ഇന്ത്യൻ എക്​സ്​പ്രസ്​ റിപ്പോർട്ട്​ ചെയ്യുന്നു.

തട്ടിപ്പി​െൻറ രീതി

വിദേശ നിക്ഷേപങ്ങളുടെ സ്​ഥിരം തട്ടിപ്പ്​ ഫോർമുലയാണ്​ ഇവിടേയും അരങ്ങേറിയിരിക്കുന്നത്​. ബ്രിട്ടീഷ്​ വെർജിൻ ​െഎലൻഡ്​ കേന്ദ്രമാക്കിയുള്ള​ സാസ്​ ഇൻറർനാഷനൽ എന്ന പേപ്പർ കമ്പനിയുണ്ടാക്കിയാണ്​​ സച്ചിനും കുടുംബാംഗങ്ങളും നിക്ഷേപം നടത്തിയത്​. പണ്ടോറ രേഖകളിൽ സാസിനെപറ്റിയുള്ള ആദ്യ പരാമർശം 2007 മുതലാണ്​ ആരംഭിക്കുന്നത്​. 2016ൽ കമ്പനി പൂട്ടിപ്പോവുകയും ചെയ്​തു. സച്ചിൻ രാജ്യസഭയിൽ അംഗമായിരുന്ന കാലത്താണ്​ തട്ടിപ്പി​െൻറ ഭാഗമായത്​. 2012ലാണ്​ അദ്ദേഹം രാജ്യസഭയിൽ നോമിനേറ്റ്​ ചെയ്യപ്പെടുന്നത്​. 2016ൽ സാസ്​ പൂട്ടുകയും സച്ചിനും കുടുംബവും നിക്ഷേപങ്ങൾ തിരിച്ചെടുക്കുകയും ചെയ്​തു.

കമ്പനി അടച്ചുപൂട്ടുന്ന സമയത്ത്, ലിസ്റ്റുചെയ്​ത മൂല്യം അനുസരിച്ച് ഓഹരി ഉടമകൾ പണം തിരികെ വാങ്ങി. സച്ചിൻ ടെണ്ടുൽക്കർ (9 ഓഹരികൾ) 856,702 ഡോളർ, അഞ്ജലി ടെണ്ടുൽക്കർ (14 ഓഹരികൾ) 1,375,714 ഡോളർ, ആനന്ദ് മേത്ത (5 ഓഹരികൾ) 453,082 ഡോളർ എന്നിങ്ങനെയാണ്​ പണം തിരികെ ലഭിച്ചത്​. എന്നാൽ ഇവർ വാങ്ങിയ ഷെയറുകൾ ഇതിൽ കൂടുതൽ ഉണ്ടെന്ന്​​ കമ്പനി രേഖകൾ പറയുന്നു. അഞ്ജലി തെൻഡുൽക്കറിന് 60 ഷെയറുകളുടെ ആദ്യ ഷെയർ സർട്ടിഫിക്കറ്റും അച്ഛന് 30 ഓഹരികളുള്ള രണ്ടാമത്തെ ഷെയർ സർട്ടിഫിക്കറ്റ് നേരത്തെ നൽകിയതായി സാസ്​ രേഖകൾ പറയുന്നുണ്ട്​. എന്നാൽ ശേഷിക്കുന്ന ഓഹരികൾ തിരികെ വാങ്ങുന്നതി​െൻറ വിശദാംശങ്ങൾ രേഖകളിൽ ഇല്ല. സാസി​െൻറ 90 ഓഹരികളുടെ മൂല്യം 8.6 മില്യൺ ഡോളർ (ഏകദേശം 60 കോടി രൂപ) ആയാണ്​ കണക്കാക്കുന്നത്​. ഇൗ പേപ്പർ കമ്പനി വെറുതെ അടച്ചുപൂട്ടിയതല്ലെന്നും

പനാമ പേപ്പർ എന്ന പേരിൽ അനധികൃത നിക്ഷേപങ്ങളുടെ വിവരങ്ങൾ പുറത്തുവന്ന്​ മൂന്ന് മാസങ്ങൾക്ക് ശേഷമാണ് അടച്ചുപൂട്ടിയതെന്നും രേഖകൾ പറയുന്നു. കമ്പനി അടച്ചുപൂട്ടാനുള്ള ഓഹരിയുടമകളുടെ പ്രമേയത്തിൽ മൂന്ന് ഷെയർഹോൾഡർമാരായ സച്ചിനും, അഞ്ജലിയും ആനന്ദ് മേത്തയും ഒപ്പിട്ടിട്ടുമുണ്ട്​.

പണം കടത്തിയത്​ എൽ.ആർ.എസ്​ വഴി

വിദേശത്തേക്ക്​ പണം അയക്കുന്നതിനുള്ള നിയമപരമായ വഴിയാണ്​ എൽ.ആർ.എസ്​ അഥവാ ലിബറലൈസ്​ഡ്​ റെമിറ്റൻസ് സ്​കീം. റിസർവ് ബാങ്ക് ഓഫ് ഇന്ത്യയുടെ 1999 ലെ ഫോറിൻ എക്സ്ചേഞ്ച് മാനേജ്മെന്റ് ആക്റ്റിന്റെ (ഫെമ) ഭാഗമാണ്​ എൽ.ആർ.എസ്​. എൽ‌ആർ‌എസിന് കീഴിൽ, ഒരു സാമ്പത്തിക വർഷത്തിൽ 2,50,000 ഡോളർ ആണ് പുറത്തേക്ക്​ കൊണ്ടുപോകാവുന്നത്​. വിദ്യാഭ്യാസം, ചികിത്സ, സംഭാവനകൾ, കുടിയേറ്റം, ജോലി തുടങ്ങിയ ആവശ്യങ്ങൾക്കാണ്​ എൽ.ആർ.എസ്​ വഴി പണം വിദേശത്തേക്ക്​ അയക്കാവുന്നത്​. ഇവിടെ പേപ്പർ കമ്പനിയി​േ

ലക്കുള്ള നി​ക്ഷേപത്തിനായാണ്​ പണം കടത്തിയിരിക്കുന്നത്​. ചട്ടങ്ങൾ അനുസരിച്ച്, രാജ്യസഭയിലെ നാമനിർദ്ദേശം ചെയ്യപ്പെട്ട അംഗങ്ങൾ തിരഞ്ഞെടുക്കപ്പെട്ട മറ്റ് എംപിമാരുടേതുപോലെ വാർഷിക ആസ്​തികളുടെയും ബാധ്യതകളുടെയും പട്ടിക സമർപ്പിക്കേണ്ടതില്ല. ഇതും സച്ചിന്​ സൗകര്യമായിമാറുകയായിരുന്നു.

രേഖകൾ യഥാർഥം

പണ്ടോറ പേപ്പറുകളുടെ ഭാഗമായ പനാമ നിയമസ്​ഥാപനമായ അൽകോഗൽ രേഖകൾ പ്രകാരം, സച്ചിൻ ടെൻഡുൽക്കർ, അഞ്ജലി ടെൻഡുൽക്കർ എന്നിവർ രാഷ്ട്രീയമായി തുറന്നുകാട്ടപ്പെട്ട വ്യക്തികൾ (പിഇപി) എന്ന വിഭാഗത്തിലാണ്​ ഉൾപ്പെടുന്നത്​. ഇതിൽ തന്നെ സച്ചിൻ ഹൈ റിസ്​ക്​ ​ കാറ്റഗറിയിലുംപെടുന്നു. നിലവിൽ പുറത്തുവന്നിരിക്കുന്ന വിവരങ്ങൾ വിശ്വസനീയമാക്കുന്നത്​ പണ്ടോറ പേപ്പറിൽ സഹകരിച്ചിരിക്കുന്ന നിയമ സഹായ സ്​ഥാപനങ്ങളുടെ വിശ്വാസ്യത കൊണ്ടാണ്​. പനാമ പേപ്പറിൽ ഒന്നോ രണ്ടോ നിയമ സ്​ഥാപനങ്ങളാണ്​ സഹകരിച്ചതെങ്കിൽ മൊത്തം 14 ലാ ഫേമുകളാണ്​ അവരുടെ രേഖകൾ കൈമാറി പാണ്ടോറ പേപ്പറുമായി സഹകരിച്ചത്​. അതിൽ ഒന്നാണ്​ അൽകോഗൽ. ഇതേ അൽകോഗൽ തന്നെയാണ്​ സച്ചിനും സർവ്വീസ്​ പ്രൊവൈഡറായി പ്രവത്തിച്ചിരുന്നത്​. പിന്നീട്​ ഇവർ അന്വേഷണത്തിന്​ സഹായിക്കാനായി മുന്നോട്ടുവരികയായിരുന്നു. അതിനാൽ തന്നെ നിക്ഷേപങ്ങളുടെ യഥാർഥ രേഖകളിൽ നിന്നുള്ള വിവങ്ങൾ പാണ്ടോറ പേപ്പറിലുണ്ട്​.

സച്ചി​െൻറ വാദം

'എൽആർഎസ് പ്രകാരമുള്ള നികുതി അടച്ച ഫണ്ടുകളിൽ നിന്നാണ് സച്ചിൻ നിക്ഷേപം നടത്തിയത്. എൽ.ആർ.എസ്​ സ്​കീമിന് കീഴിൽ, 2007 മാർച്ച് വരെ, ഒരു വ്യക്തിക്ക് പ്രതിവർഷം 100,000 ഡോളർ നിർദ്ദിഷ്ട ആവശ്യങ്ങൾക്കായി അയയ്ക്കാൻ കഴിയും. ഇത് 2007 സെപ്റ്റംബറിൽ 200,000 ഡോളർ ആയി ഉയർത്തി. 2015 മെയിൽ 250,000 ഡോളർ എന്ന കണക്കിൽ എത്തി. സച്ചി​െൻറ നിക്ഷേപം ഇന്ത്യയിൽ നിന്നുള്ള ബാങ്കിങ്​ ചാനലുകളിലൂടെ നിയമാനുസൃതമായി നടത്തിയതാണ്​. 60 കോടിയുടെ നിക്ഷേപമെന്നതും തീർത്തും തെറ്റാണ്​. സാസ്​ ലിക്വിഡേഷനുശേഷം സച്ചിന് ലഭിച്ച എല്ലാ തുകയും അദ്ദേഹത്തിന്റെ നികുതി റിട്ടേണിൽ ഉൾപ്പെടുത്തിയിട്ടുണ്ട്​'-സച്ചിൻ ടെൻഡുൽക്കർ ഫൗണ്ടേഷന്റെ സിഇഒയും ഡയറക്ടറുമായ മൃൺമോയ് മുഖർജി ഇന്ത്യൻ എക്​പ്രസ്സിനോട്​ പറഞ്ഞു.