അഴിമതി: ‘സായ്​‘ ഡയറക്​ടർ ഉൾപ്പെടെ ആറുപേർ അറസ്​റ്റിൽ

ന്യൂഡൽഹി: അഴിമതിക്കേസിൽ സ്​പോർട്​സ്​ അതോറിറ്റി ഒാഫ്​ ഇന്ത്യ (സായ്​) ഡയറക്​ടറും മൂന്ന്​ ജീവനക്കാരും ഉൾപ്പെ ടെ ആറുപേരെ സി.ബി.​െഎ അറസ്​റ്റ്​ ചെയ്​തു. സായ്​ ഡയറക്​ടർ എസ്​.കെ. ശർമ, ജൂനിയർ അക്കൗണ്ട്​സ്​ ഒാഫിസർ ഹരീന്ദർ പ്രസാദ്​, സൂപ്പ​ർവൈസർ ലളിത്​ ജോളി, യു.ഡി ക്ലാർക്ക്​ വി.കെ. ശർമ, സ്വകാര്യ കരാറുകാരൻ മന്ദീപ്​ അഹുജ, ഇയാളുടെ ജീവനക്കാരൻ യൂനുസ്​ എന്നിവരാണ്​ അറസ്​റ്റിലായത്​.

ഡൽഹി ലോധി റോഡിലെ സ്​പോർട്​സ്​ ഭരണ ഒാഫിസിലെ പരിശോധനയെ തുടർന്നായിരുന്നു അറസ്​റ്റ്​. കുടിശ്ശികയുണ്ടായിരുന്ന 19 ലക്ഷം രൂപ അനുവദിക്കാൻ സായ്​ ഉദ്യോഗസ്​ഥർ തുകയുടെ മൂന്നു​ ശതമാനം ആവശ്യപ്പെട്ടതായാണ്​ ആരോപണം. ജവഹർലാൽ നെഹ്​റു സ്​റ്റേഡിയത്തിലെ സായ്​ ആസ്​ഥാനത്ത്​ വ്യാഴാഴ്​ച വൈകുന്നേരം അഞ്ചിനായിരുന്നു സി.ബി.​െഎ റെയ്​ഡ്​.