സമാജ്​വാദി പാർട്ടിയിൽ ആധിപത്യം ഉറപ്പിച്ച്​ അഖിലേഷ്​

ലക്​നൗ: സമാജ്​വാദി പാർട്ടിയിൽ അഖിലേഷ്​ യാദവ്​ ആധിപത്യം ഉറപ്പിക്കുന്നു. ശിവപാൽ യാദവ്​ പുറത്താക്കിയ നാല്​ ജില്ല പ്രസിഡൻറ്​ാമരെ അഖിലേഷ്​ തിരിച്ചെടുത്തു. പാർട്ടി നിലപാടിനെതിരെ താൻ നീങ്ങുന്നുവെന്ന കൃത്യമായ നിലപാടാണ്​ അഖിലേഷ്​ ഇതിലൂടെ നൽകുന്നത്​.

പാർട്ടിയുടെ സംസ്​ഥാന പ്രസിഡൻറായിരുന്ന  ശിവ്​പാൽ യാദവ്​ പുറത്താക്കിയ നാല്​ പേരെയും തിരി​ച്ചെടുക്കാനുള്ള അനുമതി ലഭിച്ചതായി സമാജ്​വാദി പാർട്ടിയിലെ അഖിലേഷിനെ അനുകൂലിക്കുന്ന വിഭാഗം അറിയിച്ചു. അഖിലേഷി​​െൻറ നിർദ്ദേശത്തെ തുടർന്ന്​  പാർട്ടിയുടെ പുതിയ സംസ്​ഥാന പ്രസിഡൻറ്​ നരേഷ്​ ഉത്തം ഇവരെ പുറത്താക്കിയ ഉത്തരവ്​ പിൻവലിച്ചു. ഡിയോറ ജില്ലാ പ്രസിഡൻറ്​ റാം ഇഖ്ബാൽ, കുഷിനഗർ പ്രസിഡൻറ്​ അബാധ് യാദവ്, അസംഗഢ് പ്രസിഡൻറ്​ ഹവൽദാർ യാദവ്, അസംഗഢ് പ്രസിഡന്റ് ഹവൽദാർ യാദവ്, മിർസാപൂർ പ്രസിഡൻറ്​ ആശിഷ് യാദവ് എന്നിവരെയാണ് തിരിച്ചെടുത്തത്​.

ഉത്തർപ്രദേശിൽ ഫെ​ബ്രുവരി 11 മുതൽ എഴ്​ ഘട്ടമായി തെരഞ്ഞെടുപ്പ്​ നടക്കാനിരിക്കെ പാർട്ടി ജില്ല കമ്മിറ്റികളുടെ യോഗം വിളിക്കാൻ ഒരുങ്ങുകയാണ്​ അഖിലേഷ്​. അഖിലേഷ്​ പ്രഖ്യാപിച്ച സ്​ഥാനാർത്ഥികളുടെ യോഗവും ഇന്ന്​ നടക്കുന്നുണ്ട്​. ജനുവരി ഒന്നിന്​ ശിവപാൽ യാദവിനെ ഉത്തർപ്രദേശ്​ സംസ്​ഥാന പ്രസിഡൻറ്​ സ്​ഥാനത്ത്​ നിന്ന്​ മാറ്റി വിശ്വസ്​തനായ നരേഷ്​ ഉത്തമിനെ അഖിലേഷ്​ നിയമിച്ചിരുന്നു. ഇതിനെ തുടർന്ന്​ അഖിലേഷ്​ അനുകൂലികൾ പാർട്ടി ആസ്​ഥാനം പിടിച്ചെടുക്കുന്ന സാഹചര്യമുണ്ടായി. പ്രശ്​നം പരിഹരിക്കാൻ മുലായം സിങും അഖിലേഷ്​ യാദവും നിരവധി തവണ ചർച്ച നടത്തിയെങ്കിലും ഇതുവരെയായിട്ടും പ്രശ്​നം പരിഹരിക്കാൻ സാധിച്ചിട്ടില്ല.