വ്യാജ സോഷ്യൽ മീഡിയ അക്കൗണ്ടുകളെ അമിത്​ ഷാ നിയന്ത്രിക്കണമെന്ന്​ സഞ്​ജയ്​ റാവത്ത്

​മുംബൈ: സമൂഹ മാധ്യമങ്ങളിലെ വ്യാജ അക്കൗണ്ടുകളെ ആഭ്യന്തര മന്ത്രി അമിത്​ ഷാ നിയന്ത്രിക്കണമെന്ന ആവശ്യവുമായി ശിവസേന വക്​താവ്​ സഞ്​ജയ്​ റാവത്ത്​. ഇത്തരത്തിലുള്ള വ്യാജ അക്കൗണ്ടുകൾ സർക്കാറിന്​ തിരിച്ചടിയുണ്ടാക്കും. ശുദ്ധീകരണം അമിത്​ ഷാ സ്വന്തം പാർട്ടിയിൽ നിന്ന്​ തുടങ്ങണമെന്നും റാവത്ത്​ ആവശ്യപ്പെട്ടു. സേനാ മുഖപത്രമായ സാമ്​നയിലെഴുതിയ ലേഖനത്തിലാണ്​ റാവത്തി​െൻറ പരാമർശം.

മുംബൈ പൊലീസിനെതിരെ വ്യാജ വാർത്തകൾ പ്രചരിപ്പിക്കാൻ ഏകദേശം 80,000ത്തോളം അക്കൗണ്ടുകൾ സൃഷ്​ടിക്കപ്പെട്ടിട്ടുണ്ടെന്നും റാവത്ത്​ പറഞ്ഞു. സൈബർ ആർമിയെ ഉപയോഗിച്ച്​ രാഷ്​ട്രീയ ശത്രുക്കളെ നേരിടുന്നത്​ രാജ്യത്തിന്​ അവമതിപ്പുണ്ടാക്കുമെന്നും അദ്ദേഹം പറഞ്ഞു.

വ്യാജ സോഷ്യൽ മീഡിയ അക്കൗണ്ടുകളെ അമിത്​ ഷാ നിയന്ത്രിക്കണമെന്ന്​ സഞ്​ജയ്​ റാവത്ത്കഴിഞ്ഞ രണ്ട്​ തെരഞ്ഞെടുപ്പുകളിലും ബി.ജെ.പി ജയിച്ചത്​ സമൂഹമാധ്യമങ്ങളിലെ വ്യാജ പ്രചാരണങ്ങളിലൂടെയായിരുന്നു. കോൺഗ്രസ്​ നേതാവ്​ രാഹുൽ ഗാന്ധി മുൻ പ്രധാനമ​ന്ത്രി ​മൻമോഹൻ സിങ്​ എന്നിവരെ മോശക്കാരായി ചിത്രീകരിച്ചായിരുന്നു സമൂഹ മാധ്യമങ്ങളിലെ പ്രചാരണങ്ങൾ. യഥാർത്ഥ വാർത്തകൾ ജനങ്ങളിലേക്ക്​ എത്തിക്കാൻ ശിവസേനക്ക്​ സംവിധാനമുണ്ട്​. രാഹുൽ ഗാന്ധിയെ മോശക്കാരനാക്കിയ സമൂഹ മാധ്യമങ്ങ​ൾ മോദിയേയും കണക്കറ്റ്​ പരിഹസിച്ചിട്ടുണ്ടെന്നും ലേഖനത്തിൽ റാവത്ത്​ ഓർമപ്പെടുത്തി.