ശശികലയും എടപ്പാടിയും ഒരേസമയം അപ്പോളോ ആശുപത്രിയിൽ

ചെന്നൈ: വി.കെ. ശശികലയും മുൻ മുഖ്യമന്ത്രി എടപ്പാടി പളനിസാമിയും ഒരേസമയത്ത്​ ചെന്നൈ അപ്പോളോ ആശുപത്രിയിലെത്തിയത്​ രാഷ്​ട്രീയകേന്ദ്രങ്ങളിൽ കൗതുകമുണർത്തി. അണ്ണാ ഡി.എം.കെയിൽ രാഷ്​ട്രീയ ശത്രുതയിൽ കഴിയുന്നവരാണ്​ ഇവർ.

ആശുപത്രിയിലെ തീവ്രപരിചരണ വിഭാഗത്തിൽ കഴിയുന്ന അണ്ണാ ഡി.എം.കെ പ്രസീഡിയം ചെയർമാൻ ഇ. മധുസൂദനനെ സന്ദർശിക്കാനാണ്​ ഇരുവരുമെത്തിയത്​. ശശികല എത്തിയതോടെ എടപ്പാടി ആശുപത്രി വിട്ടു.

താമസിയാതെ പാർട്ടിയിൽ സജീവമാവുമെന്നാണ്​ ശശികല പറയുന്നത്​. ഇതുമായി ബന്ധപ്പെട്ട്​ അവർ സംസ്​ഥാനത്തെ പ്രധാന പ്രവർത്തകരുമായി ഫോണിൽ ബന്ധപ്പെടുന്നുണ്ട്​. അതേസമയം, ഒരു കാരണവശാലും ശശികലയെ പാർട്ടിയിൽ തിരിച്ചെടുക്കില്ലെന്നാണ്​ എടപ്പാടിയുടെ നിലപാട്​.