ഭർത്താവിനെ കാണാൻ ശശികല ​പരോളിന്​ ​അപേക്ഷിച്ചു

ചെന്നൈ: അനധികൃത സ്വത്ത്​ സമ്പാദനക്കേസിൽ ജയിലിൽ കഴിയുന്ന എ.​െഎ.എ.ഡി.എം.കെ നേതാവ്​ ജയലളിത പരോളിന്​ അപേക്ഷിച്ചു. കരൾ സംബന്ധമായ അസുഖ​ം കാരണം ചികിത്സയിലുള്ള ഭർത്താവ്​ എം. നടരാജനെ കാണാനാണ്​ 15 ദിവസത്തെ പരോളിന്​ അപേക്ഷിച്ചതെന്ന്​ സഹോദരിപുത്രനും പാർട്ടി നേതാവുമായ ടി.ടി.വി. ദിനകരൻ പറഞ്ഞു. 

നടരാജന്​ കരൾ മാറ്റിവെക്കണമെന്നാണ്​ ഡോക്​ടർമാർ നിർദേശിച്ചിരിക്കുന്നത്​. പരോൾ ലഭിക്കുമെന്ന്​ ഉറപ്പിച്ചുപറഞ്ഞ ദിനകരൻ, എത്ര ദിവസമാണ്​ അനുവദിക്കു​കയെന്ന്​ കർണാടക ജയിൽ വകുപ്പാണ്​ തീരുമാനിക്കുകയെന്ന്​ അറിയിച്ചു. 66.6 കോടിയുടെ അനധികൃത സ്വത്ത്​ സമ്പാദനക്കേസിൽ നാലുവർഷത്തെ ശിക്ഷയാണ്​ ബംഗളൂരു പരപ്പന അഗ്രഹാര ജയിലിലുള്ള ശശികലക്ക്​ കോടതി വിധിച്ചത്​.