സി.വി.സി റിപ്പോർട്ടിന് മറുപടി നൽകാൻ അലോക് വർമ്മക്ക് കോടതി നിർദേശം
text_fieldsന്യൂഡൽഹി: സെൻററൽ വിജിലൻസ് കമീഷൻ റിപ്പോർട്ടിന് മറുപടി നൽകാൻ മുൻ സി.ബി.െഎ ഡയറക്ടർ അലോക് വർമ്മക്ക് സുപ്രീംകോടതി നിർദേശം നൽകി. അലോക് വർമ്മ ഹൈദരാബാദ് വ്യവസായിയിൽ നിന്ന് രണ്ട് കോടി കൈക്കൂലി വാങ്ങിയെന്ന കേസിൽ സി.വി.സി അന്വേഷണം നടത്തി റിപ്പോർട്ട് നൽകിയിരുന്നു.
ഇക്കാര്യത്തിൽ മറുപടി അറിയക്കണമെന്നാണ് സുപ്രീംകോടതി വ്യക്തമാക്കിയിരിക്കുന്നത്. സി.ബി.െഎ ഡയറക്ടർ സ്ഥാനത്ത് നിന്ന് മാറ്റിയതിനെതിരെ അലോക് വർമ്മ നൽകിയ ഹരജി പരിഗണിക്കുേമ്പാഴാണ് കോടതി നിർദേശം നൽകിയത്. മുദ്രവെച്ച കവറിൽ സി.വി.സി റിപ്പോർട്ട് അലോക് വർമ്മക്ക് കൈമാറും. ഇതിന് മുദ്രവെച്ച കവറിൽ തന്നെ മറുപടി നൽകണമെന്നാണ് ചീഫ് ജസ്റ്റിസ് നിർദേശിച്ചിരിക്കുന്നത്. തിങ്കളാഴ്ചക്കകം ഇക്കാര്യത്തിൽ മറുപടി നൽകണമെന്നാണ് ആവശ്യം.
റിപ്പോർട്ടിനായി സി.വി.സിയെ സമീപിച്ച രാകേഷ് അസ്താനയുടെ നടപടിയെ കോടതി വിമർശിച്ചു. കാബിനറ്റ് സെക്രട്ടറി വഴി റിപ്പോർട്ട് ആവശ്യപ്പെട്ട് സി.വി.സിയെ രാകേഷ് അസ്താന സമീപിച്ചതാണ് വിവാദമായത്. ഇത് സംബന്ധിച്ച് കോടതിയെയാണ് സമീപിക്കേണ്ടതെന്നും ചീഫ് ജസ്റ്റിസ് വ്യക്തമാക്കി. അതേസമയം, സി.വി.സി റിപ്പോർട്ടിൽ അലോക് വർമ്മക്കെതിരെ ഗുരുതര ആരോപണങ്ങൾ ഇല്ലെന്നാണ് സൂചന.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.