ജ​ഡ്ജി​മാ​രു​ടെ ബ​ന്ധു​ക്ക​ളെ ശി​പാ​ർ​ശ ചെ​യ്യു​ന്ന​ത് നി​ർ​ത്തി​യേ​ക്കും; നിയമനം കൂടുതൽ സുതാര്യമാക്കാൻ കൊളീജിയം

ന്യൂ​ഡ​ൽ​ഹി: ജ​ഡ്ജി നി​യ​മ​ന​ങ്ങ​ൾ കൂ​ടു​ത​ൽ സു​താ​ര്യ​മാ​ക്കാ​ൻ ന​ട​പ​ടി​ക​ളാ​രാ​ഞ്ഞ് സു​പ്രീം​കോ​ട​തി കൊ​ളീ​ജി​യം. ഇ​തി​ന്‍റെ ഭാ​ഗ​മാ​യി, സു​പ്രീം​കോ​ട​തി-​ഹൈ​കോ​ട​തി ജ​ഡ്ജി​മാ​രു​ടെ ബ​ന്ധു​ക്ക​ളെ ജ​ഡ്ജി​മാ​രാ​യി ശി​പാ​ർ​ശ ചെ​യ്യു​ന്ന​ത് നി​ർ​ത്തി​യേ​ക്കു​​മെ​ന്നാ​ണ് സൂ​ച​ന. നി​യ​മ​ന​ങ്ങ​ളി​ൽ സ്വ​ജ​ന​പ​ക്ഷ​പാ​ത​മു​ണ്ടെ​ന്ന ആ​രോ​പ​ണം നി​ല​നി​ൽ​ക്കേ ന്യാ​യാ​ധി​പ നി​യ​മ​ന​ങ്ങ​ൾ കൂ​ടു​ത​ൽ സു​താ​ര്യ​മാ​ക്കു​മെ​ന്നാ​ണ് വി​ല​യി​രു​ത്ത​ൽ. എ​ന്നാ​ൽ, ഈ ​നി​ർ​ദേ​ശം ന​ട​പ്പാ​യാ​ൽ, സു​പ്രീം കോ​ട​തി ജ​ഡ്ജി​യു​ടെ ബ​ന്ധു​വാ​ണെ​ന്ന​തി​നാ​ൽ അ​ർ​ഹ​രാ​യ പ​ല​ർ​ക്കും അ​വ​സ​രം നി​ഷേ​ധി​ക്ക​പ്പെ​ടു​ന്ന സാ​ഹ​ച​ര്യ​മു​ണ്ടാ​വു​മെ​ന്ന വാ​ദ​വു​മു​യ​രു​ന്നു​ണ്ട്.

കൊ​ളീ​ജി​യ​ത്തി​ലെ ഒ​രു അം​ഗം മു​ന്നോ​ട്ടു​വെ​ച്ച ഈ ​നി​ർ​ദേ​ശ​ത്തി​ന് ​ മ​റ്റു ചി​ല അം​ഗ​ങ്ങ​ളു​ടെ​യും പി​ന്തു​ണ ല​ഭി​ച്ചി​ട്ടു​ണ്ടെ​ന്നാ​ണ് അ​റി​യു​ന്ന​ത്. ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന, ജ​സ്റ്റി​സു​മാ​രാ​യ ബി.​ആ​ർ. ഗ​വാ​യ്, സൂ​ര്യ​കാ​ന്ത്, ഹൃ​ഷി​കേ​ശ് റോ​യ്, എ.​എ​സ്. ഓ​ഖ എ​ന്നി​വ​രാ​ണ് കൊ​ളീ​ജി​യം അം​ഗ​ങ്ങ​ൾ.

അ​തേ​സ​മ​യം, ഹൈ​കോ​ട​തി ജ​ഡ്ജി​മാ​രാ​യി നി​യ​മി​ക്കാ​ൻ ശി​പാ​ർ​ശ ല​ഭി​ച്ച അ​ഭി​ഭാ​ഷ​ക​രു​മാ​യി കൊ​ളീ​ജി​യം ആ​ശ​യ​വി​നി​മ​യം ന​ട​ത്തു​ന്ന പു​തി​യ രീ​തി​ക്കും തു​ട​ക്ക​മാ​യി​ട്ടു​ണ്ട്. ഇ​വ​രു​ടെ മി​ക​വ് പ​രി​ശോ​ധി​ക്കു​ക​യാ​ണ് ല​ക്ഷ്യം. ആ​രോ​പ​ണ​ങ്ങ​ൾ ചൂ​ണ്ടി​ക്കാ​ട്ടി 2015 ഒ​ക്ടോ​ബ​റി​ൽ കൊ​ളീ​ജി​യം സം​വി​ധാ​ന​ത്തി​നു​പ​ക​രം ദേ​ശീ​യ ജ​ഡ്ജി നി​യ​മ​ന ക​മീ​ഷ​ൻ എ​ന്ന ആ​ശ​യം കേ​ന്ദ്രം മു​ന്നോ​ട്ടു​വെ​ച്ചെ​ങ്കി​ലും അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ച് ഇ​ത് ത​ള്ളു​ക​യാ​യി​രു​ന്നു.