നീറ്റ് പരീക്ഷ ഫലം പ്രസിദ്ധീകരിക്കാമെന്ന് സുപ്രീംകോടതി

ന്യൂഡൽഹി: നീറ്റ് പരീക്ഷ ഫലം പ്രസിദ്ധീകരിക്കാൻ സുപ്രീംകോടതി സി.ബി.എസ്.ഇക്ക് നിർദേശം നൽകി. ഫലം പത്ത് ദിവസത്തിനുള്ളിൽ പ്രഖ്യാപിക്കണം. ഫലം പ്രസിദ്ധീകരിക്കുന്നത് തടഞ്ഞ മദ്രാസ് ഹൈകോടതി വിധി റദ്ദാക്കിയാണ് സുപ്രിംകോടതിയുടെ വിധി. സി.ബി.എസ്.ഇക്ക് പ്രവേശന പ്രക്രിയകൾ ആരംഭിക്കാമെന്നും കോടതി പറഞ്ഞു.

സി.ബി.എസ്.ഇ നൽകിയ ഹരജിയിലാണ് പരമോന്നത കോടതിയുടെ ഉത്തരവ്.  ജസ്റ്റിസ് പ്രഫുല്ല സി. പന്ത്, ജസ്റ്റിസ് ദീപക് ഗുപ്ത എന്നിവരുടെ അവധിക്കാല ബെഞ്ചാണ് വിധി പുറപ്പെടുവിച്ചത്. നീറ്റ് പ്രവേശന പരീക്ഷയുമായി ബന്ധപ്പെട്ട ഹരജികൾ സ്വീകരിക്കരുതെന്ന് രാജ്യത്തെ ഹൈകോടതികളോട് സുപ്രിംകോടതി ആവശ്യപ്പെട്ടു.

ക​ഴി​ഞ്ഞ മാ​സം 24നാ​ണ്​ മ​​ദ്രാ​സ്​ ഹൈ​കോ​ട​തി ഫ​ലം പ്ര​സി​ദ്ധീ​ക​രി​ക്കു​ന്ന​ത്​ താ​ൽ​ക്കാ​ലി​ക​മാ​യി ത​ട​ഞ്ഞ​ത്. ഇം​ഗ്ലീ​ഷി​ലും ത​മി​ഴി​ലും ന​ൽ​കി​യ ചോ​ദ്യ​ങ്ങ​ൾ ത​മ്മി​ൽ വ​ലി​യ വ്യ​ത്യാ​സ​മു​ണ്ടാ​യി​രു​ന്ന​താ​യി ചൂ​ണ്ടി​ക്കാ​ണി​ച്ച്​ ന​ൽ​കി​യ ഹ​ര​ജി​ക​ൾ പ​രി​ഗ​ണി​ക്ക​വെ​യാ​ണ്​ ഹൈ​കോ​ട​തി ഫ​ലം സ്​​റ്റേ ചെ​യ്​​ത​ത്. ഫ​ലം പ്ര​സി​ദ്ധീ​ക​രി​ക്കാ​ൻ ക​ഴി​യാ​താ​യ​തോ​ടെ മെ​ഡി​ക്ക​ൽ ​േകാ​ഴ്​​സു​ക​ളു​ടെ പ്ര​വേ​ശ​ന ഷെ​ഡ്യൂ​ൾ താ​ളം​തെ​റ്റി​യി​രി​ക്ക​യാ​ണെ​ന്ന് ചൂ​ണ്ടി​ക്കാ​ട്ടിയായിരുന്നു സി.​ബി.​എ​സ്.​ഇ ഹ​ര​ജി​.