സ്​കൂൾ നാടകത്തിന്‍റെ പേരിലെ രാജ്യദ്രോഹക്കേസ്​ റദ്ദാക്കണമെന്ന ഹരജി സുപ്രീംകോടതി തള്ളി

ന്യൂഡൽഹി: റിപ്പബ്ലിക്​ ദിനാഘോഷത്തി​​​​​െൻറ ഭാഗമായി കർണാടകയിലെ ബിദറിലെ സ്​കൂളിൽ അവതരിപ്പിച്ച നാടക​ത്തി​​​ ​​െൻറ പേരിൽ ചുമത്തിയ രാജ്യദ്രോഹക്കേസ്​ റദ്ദാക്കണമെന്ന ഹരജി സുപ്രീം കോടതിയുടെ രണ്ടംഗ ബെഞ്ച്​ തള്ളി. പൗരത്വഭ േദഗതി നിയമത്തെ വിമർശിക്കുന്ന നാടകത്തി​​​​​െൻറ പേരിൽ സ്​കൂൾ പ്രിൻസിപ്പൽ, വിദ്യാർത്ഥിയുടെ മാതാവ്​ എന്നിവരെയാണ്​ കർണാടക സർക്കാർ രാജ്യദ്രോഹക്കേസ്​ ചുമത്തി അറസ്​റ്റ്​ ചെയ്​തത്​.

അനാവശ്യമായി ചുമത്തിയ രാജ്യദ്രോഹക്കേസ്​ റദ്ദാക്കണമെന്നും രാജ്യദ്രോഹ വകുപ്പുകൾ ദുരുപയോഗം ചെയ്യുന്നതിനെതിരെ മാർഗ നിർദേശങ്ങൾ നൽകണമെന്നും ആവശ്യപ്പെട്ടായിരുന്നു സാമൂഹിക പ്രവർത്തക യോഗിത ഭയാന, അഭിഭാഷകൻ ഉത്സവ്​ സിങ്​ ​ബയിൻസ്​ മുഖേന പൊതു താൽപര്യ ഹരജി നൽകിയത്​. ജസ്​റ്റിസ്​ എ.എം ഖാൻവിൽകാർ അധ്യക്ഷനായ രണ്ടംഗ ബെഞ്ചാണ്​ ഹരജി തള്ളിയത്​.

എന്തിനാണ്​ രാജ്യദ്രോഹക്കേസ്​ ചുമത്തിയതെന്ന്​ കേസിൽ പ്രതികളായവർക്ക്​ ഇപ്പോഴുമറിയില്ലെന്ന്​ ഹരജിക്കാരി ചൂണ്ടിക്കാട്ടി. ചൈൽഡ്​ വെൽഫയർ ഒാഫിസറുടെ സാന്നിധ്യമില്ലാതെയും നടപടിക്രമങ്ങൾ പാലിക്കാതെയുമാണ്​ ​പൊലീസ്​ കുട്ടികളെ വരെ ചോദ്യ ചെയ്​തതെന്ന്​ ഹരജിയിൽ പറയുന്നു. സ്​കൂൾ മാനേജ്​മ​​​​െൻറിനെതിരെയും കേസ്​ ചുമത്തിയിട്ടുണ്ട്​.

കേസിൽ ഉൾപ്പെട്ടവരെ കേൾക്കാമെന്നും മറ്റു ആവശ്യങ്ങൾ അനുവദിക്കാനാകില്ലെന്നും ചൂണ്ടിക്കാട്ടിയാണ്​ കോടതി ഹരജി തള്ളിയത്​.