ബാർ കോഴക്കേസ് കേന്ദ്ര ഏജൻസി അന്വേഷിക്കണമെന്ന ആവശ്യം തള്ളി
text_fieldsന്യൂഡൽഹി: കോൺഗ്രസ് നേതാക്കളും കഴിഞ്ഞ യു.ഡി.എഫ് സർക്കാറിലെ മന്ത്രിമാരുമായിരുന്ന രമേശ് ചെന്നിത്തല, വി.എസ്.ശിവകുമാർ, കെ.ബാബു, കേരള കോൺഗ്രസ് നേതാവ് ജോസ് കെ.മാണി അടക്കമുള്ളവർക്കെതിരെ ബാർ കോഴക്കേസിൽ കേന്ദ്ര ഏജൻസികളുടെ അന്വേഷണം ആവശ്യപ്പെട്ട് തൃശൂരിലെ പി.എൽ. ജേക്കബ് എന്നയാൾ സമർപ്പിച്ച ഹരജി സുപ്രീംകോടതി തള്ളി.
കേരള ബാർ ഹോട്ടൽ ഓണേഴ്സ് അസോസിയേഷൻ മുൻ പ്രസിഡന്റ് ബിജു രമേശിന്റെ വെളിപ്പെടുത്തലിന്റെ അടിസ്ഥാനത്തിൽ മാത്രം കേന്ദ്ര ഏജൻസികളുടെ അന്വേഷണത്തിന് ഉത്തരവിടാൻ കോടതിക്കാവില്ലെന്ന് ജസ്റ്റിസുമാരായ എം.എം. സുന്ദരേഷ്, പങ്കജ് മിത്തൽ എന്നിവരുടെ ബെഞ്ച് വ്യക്തമാക്കി. ഹരജിക്കാരന് ഈ ആവശ്യവുമായി ലോകായുക്തയെയും മജിസ്ട്രേറ്റ് കോടതിയെയും സമീപിക്കാമല്ലോ എന്ന് നിരീക്ഷിച്ചാണ് ഹരജി തള്ളിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.