വിദ്യാർഥികളെ രക്ഷിക്കാൻ ബോംബുമായി​ ഒരു കിലോമീറ്റർ ഒാടി പൊലീസുകാരൻ 

ഭോപ്പാല്‍: സ്​കൂൾ വിദ്യാർഥികളെ ബോംബ് സ്‌ഫോടനത്തില്‍ നിന്ന് രക്ഷിക്കാൻ പൊലീസുകാരൻ ബോംബുമായി ഒാടിയത്​  ഒരു കിലോമീറ്റര് ദൂരം‍.  മധ്യപ്രദേശിലെ സാഗര്‍ ജില്ലയിലെ ചിത്തോറ ഗ്രാമത്തില്‍ സംഭവം. 400 ഒാളം കുട്ടികളെ രക്ഷിക്കാൻ ഹെഡ്‌ കോണ്‍സ്റ്റബിള്‍ അഭിഷേക് പട്ടേലാണ്​ 10 കിലോയോളം തൂക്കമുള്ള ബോംബുമായി വിജനപ്രദേശത്തേക്ക്​ ഒാടിയത്​.  

വെള്ളിയാഴ്​ച രാവിലെ സ്‌കൂളില്‍ ബോംബ് വെച്ചിട്ടുണ്ടെന്ന അജ്ഞാത സന്ദേശം പൊലീസിന്​ ലഭിച്ചത്​. തുടര്‍ന്ന്  ഹെഡ്‌കോണ്‍സ്റ്റബിള്‍ അഭിഷേക് പട്ടേലി​​െൻറ നേതൃത്വത്തിലുള്ള സംഭവം സ്​കൂളിൽ പരിശോധനക്കെത്തുകയായിരുന്നു.  പരിശോധനയിൽ സ്​കൂളി​​െൻറ പിറകുവശത്തെ മുറ്റത്ത്​ നിന്ന്​ 12 ഇഞ്ച്​ വലുപ്പവും 10 കിലോയോളം തൂക്കവുമുള്ള ബോംബ് കണ്ടെത്തി. ബോംബു നിർവീര്യമാക്കുന്നതിനുള്ള ചർച്ചകൾ തുടങ്ങും മു​േമ്പ നാൽപതുകാരനായ പ​േട്ടൽ  അതും തോളിലേന്തി ഓടുകയായിരുന്നു. 
സ്​കൂൾ ജനവാസകേന്ദ്രത്തിലാണ്​ സ്ഥിതിചെയ്യുന്നത്​. ബോംബ് പൊട്ടുകയാണെങ്കില്‍ അരകിലോമീറ്റര്‍ പരിധി വരെ അതി​​െൻറ ആഘാതമുണ്ടാകുമെന്ന്​ പരിശീലനത്തിനിടെ മനസിലാക്കിയിരുന്നു. ആളപായമുണ്ടാകാതിരിക്കാനാണ്​  ബോംബുമായി വിജനപ്രദേശത്തേക്ക്​  ഓടിയത്- പ​േട്ടൽ മാധ്യമങ്ങളോട്​ പറഞ്ഞു. പൊലീസി​​െൻറ എമർജൻസി നമ്പറായ 100 ലാണ്​ ബോംബ്​ ഭീഷണി സന്ദേശം എത്തിയത്​. 

അജ്ഞാത സന്ദേശം ലഭിച്ചയുടന്‍ പോലീസ് സംഭവസ്ഥലത്തെത്തിയിരുന്നു. ഉടന്‍ തന്നെ സ്‌കൂളധികൃതരെ വിവരം അറിയിച്ച് അവധി പ്രഖ്യാപിച്ച് കുട്ടികളെ ഒഴിപ്പിക്കാന്‍ വേണ്ട നിര്‍ദേശവും നല്‍കി. സ്കൂളില്‍ നിലയുറപ്പിച്ച വാര്‍ത്താ സംഘമാണ് ബോംബുമായി കോണ്‍സ്റ്റബിള്‍ ഓടുന്നത് ക്യാമറയില്‍ പകര്‍ത്തിയത്​.

ദിവസങ്ങൾക്ക്​ മുമ്പ്​ സാഗർ ജില്ലയിലെ ബന്നാദ്​ ഗ്രാമത്തിൽ നിന്നും ബോംബ്​ കണ്ടെടുത്തിരുന്നു. സംഭവത്തിനു പിറകിൽ ആരാണെന്ന്​ കണ്ടെത്തിയിട്ടില്ല. അന്വേഷണം ഉൗർജിതമാക്കിയിട്ടുണ്ട്​. സ്വന്തം ജീവൻ പണയപ്പെടുത്തിയുളള അഭിഷേക്​ പ​േട്ടലി​​െൻറ കര്‍ത്തവ്യ ബോധത്തിന് അവാര്‍ഡ് നൽകുമെന്ന്​ ഉന്നത ​െപാലീസ്​ ഉദ്യോഗസ്ഥർ അറിയിച്ചു.