ഹ്യുസ്റ്റൻ പ്രളയം; ഗുരുതരവസ്ഥയിൽ കഴിഞ്ഞ ഇന്ത്യൻ വിദ്യാർഥി മരിച്ചു 

ന്യൂ​യോ​ർ​ക്​: ഹാർവേ ചുഴലിക്കാറ്റിനെ തുടർന്ന് ഹ്യൂസ്റ്റനിലുണ്ടായ പ്രളയത്തിൽ ഗുരുതരമായി പരിക്കേറ്റ ഇന്ത്യൻ വിദ്യാർഥി ശാലിനി സിങ്ങ്(25) മരിച്ചു. ടെക്സസിലെ എ ആൻറ് എം സർവകലാശാല വിദ്യാർഥിയായ ശാലിനി തടാകത്തിൽ മുങ്ങിയാണ് അപകടത്തിൽപെട്ടത്. ശാലിനിയോടൊപ്പം ആശുപത്രിയിൽ പ്രവേശിപ്പിച്ച ഇന്ത്യൻ വിദ്യാർഥി നിഖിൽ ഭാട്ടിയ ശനിയാഴ്ച മരണത്തിന് കീഴടങ്ങിയിരുന്നു. 

നിഖിൽ ഭാട്ടിയ

 

ടെക്സസിലെ തടാകത്തിൽ മുങ്ങിപ്പോയ ശാലിനിയെയും നിഖിലിനെയും പൊലീസുകാർ രക്ഷപ്പെടുത്തുകയായിരുന്നു. ഒരു മാസം മുമ്പാണ് ശാലിനി ടെക്‌സസിലെ എ ആന്‍ഡ് എം സര്‍വകലാശാലയില്‍ ബിരുദാനന്തര ബിരുദത്തിനു ചേര്‍ന്നത്. ഇതേ സര്‍വകലാശാലയില്‍ റിസേര്‍ച്ച് അസിസ്റ്റന്‍റ് ആയിരുന്നു നിഖിൽ ഭാട്ടിയ. വ്യാഴാഴ്ച ബ്രിയാനില്‍ ശാലിനിയുടെ ശവസംസ്‌കാരം നടത്തുമെന്ന് അമേരിക്കയിലെ ഇന്ത്യന്‍ കോണ്‍സുലേറ്റ് അറിയിച്ചു.