യാസീൻ മാലിക്​ കരുതൽതടങ്കലിൽ

ശ്രീനഗർ: ജമ്മു-കശ്​മീർ ലിബറേഷൻ ഫ്രണ്ട്​ നേതാവ്​ യാസീൻ മാലിക്കിനെ പൊലീസ്​ കരുതൽതടങ്കലിലാക്കി. ദക്ഷിണകശ്​മീരിലെ ഷോപിയാൻ ജില്ലയിലാണ്​ സംഭവം. മേഖലയിൽ സമാധാനാന്തരീക്ഷത്തിന്​ ഭംഗമുണ്ടാക്കുമെന്ന്​ കരുതിയാണ്​​ നടപടിയെന്ന്​  പൊലീസ്​ പറഞ്ഞു. മാലിക്കിനെയും സംഘടനയുടെ മേഖലപ്രസിഡൻറ്​ നൂർ മുഹമ്മദ്​ കൽവാലിനെയുമാണ്​ സുരക്ഷവിഭാഗം പിടികൂടിയത്​. അതേസമയം, ജയിലിൽ കഴിയുന്ന സർജാൻ ബർക്കത്തിയുടെ കുടുംബത്തെ സന്ദർശിക്കാൻ റേബാനിലേക്ക്​ പോക​െവയാണ്​ ഇരുവരെയും തടവിലാക്കിയതെന്ന്​ ജെ.കെ.എൽ.എഫ്​ വക്​താവ്​ പറഞ്ഞു.