കശ്മീരിൽ ബസ് കൊക്കയിലേക്ക് മറിഞ്ഞ് 21 പേർക്ക് ദാരുണാന്ത്യം; നിരവധിപേർക്ക് പരിക്ക്

ജമ്മു: കശ്മീരിലെ അഖ്നൂർ സിറ്റിക്ക് സമീപം ടാണ്ട മേഖലയിൽ തീർഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞ് 21 പേർക്ക് ദാരുണാന്ത്യം. ഉത്തർപ്രദേശിലെ ഹാത്രസിൽനിന്ന് ജമ്മുവിലെ ശിവ്ഘോരിയിലേക്കുള്ള യാത്രക്കാരാണ് ബസിലുണ്ടായിരുന്നത്.

ജമ്മു - പൂഞ്ച് ഹൈവേയിലെ കാളി ധർ മന്ദിറിനു സമീപത്താണ് അപടകമുണ്ടായത്. സംഭവത്തിൽ നിരവധിപേർക്ക് പരിക്കേറ്റു. 15 പേരുടെ നില ഗുരുതരമാണ്. ഇവരെ സമീപത്തെ ആശുപത്രിയിലേക്ക് മാറ്റി. രക്ഷാപ്രവർത്തനം പുരോഗമിക്കുകയാണെന്ന് അധികൃതർ അറിയിച്ചു.