മമതക്ക്​ ഇരട്ടി സന്തോഷം; തൃണമൂൽ വിട്ട്​ ബി.ജെ.പിയിലേക്ക്​ ചേക്കേറിയ ബഹുഭൂരിപക്ഷം പേരും തോറ്റു

കൊൽക്കത്ത: ബംഗാളിൽ മൃഗീയ ഭൂരിപക്ഷവുമായി മമത ബാനർജിയുടെ തൃണമൂൽ കോൺഗ്രസ്​ അധികാരത്തിലേറാൻ പോവുകയാണ്​. ഇന്ത്യയിലെ ഏറ്റവും വലിയ സംസ്ഥാനങ്ങളിലൊന്ന്​ പിടിക്കാനായി തെരഞ്ഞെടുപ്പിന്​ മുമ്പ്​ കോടികൾ പൊടിച്ച്​ മാസങ്ങളോളം ബി.ജെ.പി കഷ്​ടപ്പെട്ട്​ പണിയെടുത്തിരുന്നുവെങ്കിലും അതി​െൻറ യാതൊരു ഫലവും റിസൽട്ട്​ പുറത്തുവന്നപ്പോൾ അവർക്ക്​ കാണാൻ കഴിഞ്ഞില്ല.

അതിനിടെ തൃണമൂൽ വിട്ട്​ ബി.ജെ.പിയിലേക്ക്​ നേതാക്കൻമാരുടെ ഒഴുക്കുമുണ്ടായി. മന്ത്രിമാരും എം.പിമാരും എം.എൽ.എമാരുമടക്കമായിരുന്നു ബി.ജെ.പി അധകാരത്തിലേറുന്നത്​ സ്വപ്​നം കണ്ട്​​ തൃണമൂലിൽ നിന്ന്​ മറുകണ്ടം ചാടിയത്​. ഒഴുക്ക്​ കൂടിയതോടെ ഒടുവിൽ ബി.ജെ.പിക്ക്​ പോലും 'ഇനി സ്വീകരിക്കില്ല' എന്ന്​ പറയേണ്ടതായി വന്നു. പാർട്ടി മാറിയ പലരെയും ബി.ജെ.പി പലയിടത്തും മത്സരിപ്പിക്കുകയും ചെയ്​തു.

എന്നാൽ, തങ്ങളുടെ പാർട്ടി വൈറസ്​ മുക്​തമായെന്നായിരുന്നു അന്ന്​ തൃണമൂലുകാർ അതിന്​ മറുപടി നൽകിയത്​. തെരഞ്ഞെടുപ്പ്​ ഫലം വന്നതോടെ വിജയം മമതയ്​ക്കും തൃണമൂലിനും മാത്രമായി. അതിനേക്കാൾ അവരെ സന്തോഷിപ്പിച്ചതാക​െട്ട തൃണമൂൽ വിട്ട്​ പോയി ബി.ജെ.പി ടിക്കറ്റിൽ മത്സരിച്ചവരിൽ ബഹുഭൂരിപക്ഷം പേരും തോൽവിയേറ്റുവാങ്ങി എന്നതും. നന്ദിഗ്രാമില്‍ മമത ബാനര്‍ജിക്കെതിരെ ജയിച്ച സുവേന്ദു അധികാരി, കൂച്ച്ബിഹാറില്‍ മിഹിര്‍ ഗോസ്വാമി, ബിഷ്ണുപുറില്‍ തന്മയ് ഘോഷ്, റണഘട്ട് നോര്‍ത്ത് വെസ്റ്റില്‍ പാര്‍ത്ഥ സാരതി ചാറ്റര്‍ജി എന്നിവരൊഴിച്ച്​ പാർട്ടി വിട്ടുപോയവരെല്ലാം തോറ്റുതുന്നംപാടി.

അതിൽ, ദയനീയ തോൽവിയറിഞ്ഞത്​ മമത മന്ത്രിസഭയില്‍ ജലസേചന വകുപ്പു മന്ത്രിയായിരുന്ന രാജീവ് ബാനര്‍ജിയായിരുന്നു. തൃണമൂലിന്​ വേണ്ടി മത്സരിച്ചപ്പോൾ ഒരു ലക്ഷത്തിലധികം ഭൂരിപക്ഷം നേടിയിരുന്ന അദ്ദേഹം ബി.ജെ.പി ടിക്കറ്റിൽ തൃണമൂലിലെ കല്യാണ്‍ ഘോഷിനോട് 42,512 വോട്ടിനാണ്​ പരാജയപ്പെട്ടത്​. ഹൗറയിലെ ദൊംജുറിലായിരുന്നു രാജീവ്​ ബാനർജി മത്സരിച്ചത്​. മുൻ ഹൗറ മേയർ റതിൻ ചക്രബർത്തിയും വമ്പൻ തോൽവിയറിഞ്ഞു.