ശാഹീൻബാഗ്​ ജാലിയൻവാലാബാഗ്​ ആയേക്കുമെന്ന്​ ഉവൈസി

ന്യൂഡൽഹി: ശാഹീൻബാഗ്​ ജാലിയൻവാലാബാഗ്​ ആയേക്കുമെന്ന ആശങ്കയുമായി എ.ഐ.എം​.ഐ.എം അധ്യക്ഷൻ​ അസദുദ്ദീൻ ഉവൈസി. സമരക്കാ രെ സർക്കാർ നിർബന്ധിച്ച്​ ഒഴിപ്പിക്കുമെന്ന്​ ആശങ്കപ്പെടുന്നതായി ഉവൈസി പറഞ്ഞു. എ.എൻ.ഐക്ക്​ ടെലിഫോണിലൂടെ നൽകിയ അഭിമുഖത്തിലാണ്​ ഉവൈസിയുടെ പരാമർശം.

ഫെബ്രുവരി എട്ടിന്​ ശേഷം ശാഹീൻബാഗ്​ ഒഴിപ്പിക്കുമെന്നാണ്​ ആശങ്ക​. പ്രതിഷേധക്കാർക്ക്​ നേരെ വെടിയുതിർത്തേക്കാം. ചിലപ്പോൾ ശാഹീൻബാഗ്​ മറ്റൊരു ജാലിയൻവാലാബാഗ്​ ആയി മാറാം. രാജ്യദ്രോഹികളെ വെടിവെക്കണമെന്ന ബി.ജെ.പി നേതാക്കളുടെ പ്രസ്​താവന ഇതിനുള്ള ആഹ്വാനമാണെന്നും ഉവൈസി വ്യക്​തമാക്കി.

2024 വരെ എൻ.ആർ.സി നടപ്പാക്കില്ലെന്ന്​ എൻ.ഡി.എ സർക്കാർ ഉറപ്പ്​ നൽകണം. എന്തിനാണ്​ എൻ.പി.ആറിനായി ബി.ജെ.പി സർക്കാർ ​ 3900 കോടി ചെലവഴിക്കുന്നതെന്നും അദ്ദേഹം ചോദിച്ചു.