ടൈം മാഗസിനുപിന്നാലെ ബി.ബി.സിയുടെ 100 വനിത പട്ടികയിലും ശാഹീൻബാഗ്​ സമര നായിക

ലണ്ടൻ: ബി.ബി.സിയുടെ ലോകത്തെ ശ്രദ്ധേയരായ 100 വനിതകളുടെ പട്ടികയിൽ ഇടംപിടിച്ച്​ ശാഹീൻബാഗ്​ സമരനായിക ബിൽകീസ്​ ബാനു. പരിസ്ഥിതി പ്രവർത്തക റിഥിമ പാണ്ഡേ, ഗായിക ഇസൈവാണി, പാര അത്​ലറ്റ്​ മാനസി ജോഷി തുടങ്ങി തുടങ്ങിയവരാണ്​ ബി.ബി.സി ലിസ്​റ്റിൽ ഇടം പിടിച്ച മറ്റു ഇന്ത്യക്കാർ.

ഈ വർഷം തന്നെ ടൈം മാഗസി​െൻറ ലോകത്തിലെ ഏറ്റവും സ്വാധീനം ചെലുത്തിയ നൂറുപേരുടെ പട്ടികയിൽ ബിൽകീസ്​ ഇടംപിടിച്ചിരുന്നു. പൗരത്വ ഭേദഗതി നിയമം പ്രഖ്യാപിച്ചതിന്​ പിന്നാലെ ഡൽഹിയിലെ ശാഹീൻബാഗിൽ ആരംഭിച്ച ​​സ്​ത്രീ പ്രതിഷേധകൂട്ടായ്​മയിലെ മുൻനിരയിലുണ്ടായിരുന്ന വ്യക്തിയാണ്​ ബിൽകീസ്​. ദാദി എന്ന വിളിപ്പേരിൽ അറിയപ്പെട്ടിരുന്ന ബിൽകീസ്​ ബാനു ധീരമായ സമര നിലപാടുകളാൽ വാർത്തകളിൽ ഇടംപിടിച്ചിരുന്നു.