പുറത്തുവരാത്ത ഗുജറാത്ത് കഥകളുമായി ശക്തിസിങ് ഗോഹിൽ

ന്യൂ​ഡ​ൽ​ഹി: ‘‘ര​ണ്ടു​ദി​വ​സം മു​മ്പ് ഗു​ജ​റാ​ത്തി​ലെ ദാ​ഹോ​ദ് ജി​ല്ല​യി​ലെ പ്രൈ​മ​റി സ്കൂ​ൾ പ്ര​ധാ​നാ​ധ്യാ​പ​ക​ൻ സ്കൂ​ളി​ൽ വി​ടാ​മെ​ന്നു​പ​റ​ഞ്ഞ് കാ​റി​ൽ ക​യ​റ്റി​യ ആ​റു​വ​യ​സ്സു​കാ​രി​യെ ബ​ലാ​ത്സം​ഗം ചെ​യ്തു. കു​ട്ടി നി​ല​വി​ളി​ച്ച​പ്പോ​ൾ ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തി. കാ​റി​ൽ സൂ​ക്ഷി​ച്ച മൃ​ത​ദേ​ഹം വൈ​കീ​ട്ട് സ്കൂ​ൾ വി​ട്ട ശേ​ഷം ക്ലാ​സ് മു​റി​യു​ടെ പി​ൻ​വ​ശ​ത്തെ ഭി​ത്തി​ക്കു​സ​മീ​പം ചാ​രി​വെ​ച്ചു. സ്കൂ​ൾ ബാ​ഗ് അ​വ​ളു​ടെ ക്ലാ​സ് റൂ​മി​നു​പു​റ​ത്ത് വാ​തി​ലി​ന​ടു​ത്തും വെ​ച്ചു’’. ഗു​ജ​റാ​ത്ത് പ്ര​ദേ​ശ് കോ​ൺ​ഗ്ര​സ് ​പ്ര​സി​ഡ​ന്റും രാ​ജ്യ​സ​ഭാ എം.​പി​യു​മാ​യ ശ​ക്തി സി​ങ് ഗോ​ഹി​ൽ ആ​ണ്, പ്ര​ധാ​ന​മ​ന്ത്രി​യു​ടെ സം​സ്ഥാ​ന​മാ​യ ഗു​ജ​റാ​ത്തി​ൽ ആ​ർ.​എ​സ്.​എ​സ്- ബി.​ജെ.​പി നേ​താ​ക്ക​ളു​ടെ കു​റ്റ​കൃ​ത്യ​ങ്ങ​ൾ പ​ങ്കു​വെ​ച്ച​ത്.

മെ​ഹ്‌​സാ​ന​യി​ലെ ച​നാ​സ്മ​യി​ൽ, ത​ന്ത്ര​വി​ദ്യ​യു​ടെ പേ​രി​ൽ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ബ​ലാ​ത്സം​ഗം ചെ​യ്ത​തി​ന് യു​വ​മോ​ർ​ച്ച ജ​ന​റ​ൽ സെ​ക്ര​ട്ട​റി ഗൗ​ര​വ് അ​റ​സ്റ്റി​ലാ​യ​തും വ​ഡോ​ദ​ര​യി​ലെ അം​ഗ​ഢ് ഗ്രാ​മ​ത്തി​ൽ ബി.​ജെ.​പി നേ​താ​വ് ആ​കാ​ശ് ഭ​ഗ​വാ​ൻ ഭാ​യ് സ്ത്രീ​യെ വീ​ട്ടി​ലെ​ത്തി ബ​ലാ​ത്സം​ഗം ചെ​യ്ത​തും ശ​ക്തി സി​ങ് വി​വ​രി​ച്ചു. ക​ഴി​ഞ്ഞ ദി​വ​സം ബോ​ട്ടാ​ഡി​ലെ സ്‌​കൂ​ളി​ൽ പെ​ൺ​കു​ട്ടി​യെ പീ​ഡി​പ്പി​ച്ച​ത​റി​ഞ്ഞ് ആ​ളു​ക​ളെ​ത്തി ബ​ഹ​ള​മു​ണ്ടാ​ക്കി. ബ​റൂ​ച്ചി​ൽ അ​ഞ്ചു​മാ​സം പ്രാ​യ​മു​ള്ള പെ​ൺ​കു​ട്ടി​യെ ബ​ലാ​ത്സം​ഗം ചെ​യ്യാ​ൻ ശ്ര​മി​ച്ചു. പ്ര​തി​ദി​നം ആ​റ് ബ​ലാ​ത്സം​ഗ​ങ്ങ​ൾ ന​ട​ക്കു​ന്ന ഗു​ജ​റാ​ത്തി​ൽ ക​ഴി​ഞ്ഞ മൂ​ന്ന് വ​ർ​ഷ​ത്തി​നി​ടെ 6,524 ബ​ലാ​ത്സം​ഗ​വും 95 കൂ​ട്ട​ബ​ലാ​ത്സം​ഗ​ങ്ങ​ളു​മു​ണ്ടാ​യെ​ന്നും അ​ദ്ദേ​ഹം പ​റ​ഞ്ഞു. സൂ​റ​ത്തി​ൽ മ​യ​ക്കു​മ​രു​ന്ന് പി​ടി​കൂ​ടി​യ​പ്പോ​ൾ ബി.​ജെ.​പി ഭാ​ര​വാ​ഹി​യാ​ണെ​ന്ന് തെ​ളി​ഞ്ഞു. ഗു​ണ്ട​ക​ളെ ബി.​ജെ.​പി ഭാ​ര​വാ​ഹി​യാ​ക്കി​യ​തി​നാ​ലാ​ണ് ഈ ​അ​വ​സ്ഥ​യു​ണ്ടാ​യ​തെ​ന്നും ശ​ക്തി സി​ങ് കൂ​ട്ടി​ച്ചേ​ർ​ത്തു.