അ​ഫ്​​റ​സൂ​ലി​നെ ക​ത്തി​ച്ചു​കൊ​ന്ന ശം​ഭു​ലാ​ൽ ലോക്സഭാ തെരഞ്ഞെടുപ്പിൽ മത്സരിക്കും

ആഗ്ര: രാ​ജ​സ്​​ഥാ​നി​ലെ രാ​ജ​സ​മ​ന്ദി​ൽ ബം​ഗാ​ൾ സ്വ​ദേ​ശി അ​ഫ്​​റ​സൂ​ലി​നെ കോ​ടാ​ലി​കൊ​ണ്ട്​ വെ​ട്ടി ക​ത്തി​ച്ചു​കൊ​ന്ന കേ​സി​ലെ പ്ര​തി ശം​ഭു​ലാ​ലി​നെ
2019ലെ ലോക്സഭാ തെരഞ്ഞെടുപ്പിൽ മത്സരിപ്പിക്കാൻ നീക്കം. ഉത്തർപ്രദേശ് നവനിർമാൺ സേന സ്ഥാനാർത്ഥിയായി ആഗ്രയിലാണ് ഇയാൾ മത്സരിക്കുന്നത്. ഇയാൾക്ക് ആഗ്രയിൽ ടിക്കറ്റ് നൽകുമെന്ന് ഉത്തർപ്രദേശ് നവനിർമാൺ സേന അറിയിച്ചു. ശംഭുലാൽ ഇത് സ്വീകരിച്ചതായും ആഗ്രയിൽ നിന്ന് ലോക്സഭാ തെരഞ്ഞെടുപ്പ് നേരിടുമെന്നും ഉത്തർപ്രദേശ് നവനിർമാൺ സേനയുടെ ദേശീയ പ്രസിഡൻറ് അമിത് ജാനി അറിയിച്ചു. ജോധ്പുരി ജയിലിൽ നിന്നാണ് ഇയാൾ തെരഞ്ഞെടുപ്പിനെ നേരിടുക.

ഞങ്ങളുടെ പാർട്ടി ഹിന്ദുത്വ മുഖമുള്ളവരെ മാത്രമേ തെരഞ്ഞെടുപ്പിൽ മത്സരിപ്പിക്കുകയുള്ളു. അങ്ങനെ നോക്കുമ്പോൾ ശംഭുലാൽ അല്ലാതെ അനുയോജ്യനായ മറ്റൊരാളില്ല- ജാനി പറഞ്ഞു. ശംഭുലാൽ നിരപരാധിയാണെന്നും ഇയാൾ വ്യക്തമാക്കി. ലവ് ജിഹാദിനെതിരായ പോരാട്ടത്തിലെ പങ്ക് ചൂണ്ടിക്കാട്ടി കഴിഞ്ഞ മാർച്ചിൽ രാമ നവമി ദിവസത്തിൽ ശംഭുലാലിനെ ജോധ്പൂരിൽ ആദരിച്ച് പരിപാടി നടത്തിയിരുന്നു.

2017 ഡി​സം​ബ​ർ ആ​റി​നാ​ണ്​ അ​ഫ്​​റ​സൂ​ലി​നെ വെ​ട്ടി​ക്കൊ​ല​പ്പെ​ടു​ത്തി​യ​ശേ​ഷം പെ​ട്രോ​ളൊ​ഴി​ച്ച്​ ക​ത്തി​ച്ചു​കൊ​ന്ന​ത്. ഇ​തി​​​​​​െൻറ ദൃ​ശ്യ​ങ്ങ​ൾ 14കാ​ര​നാ​യ അ​ന​ന്ത​ര​വ​നെ​ക്കൊ​ണ്ട്​ മൊ​ബൈ​ലി​ൽ പ​ക​ർ​ത്തു​ക​യും സ​മൂ​ഹ​മാ​ധ്യ​മ​ങ്ങ​ൾ ​വ​ഴി പ്ര​ച​രി​പ്പി​ക്കു​ക​യും ചെ​യ്​​തി​രു​ന്നു. ല​വ്​ ജി​ഹാ​ദ്​ ആ​രോ​പി​ച്ചാ​ണ്​ ​അ​ഫ്​​റ​സൂ​ലി​നെ കൊ​ന്ന​തെ​ന്നാ​യി​രു​ന്നു ആ​ദ്യം വാ​ർ​ത്ത​ക​ൾ പു​റ​ത്തു​വ​ന്ന​ത്. ​ശം​ഭു​ലാ​ലി​നെ പി​ന്തു​ണ​ച്ച്​ നി​ര​വ​ധി ഹി​ന്ദു​ത്വ സം​ഘ​ട​ന​ക​ൾ രം​ഗ​ത്തു​വ​ന്നി​രു​ന്നു. കേ​സ്​ ന​ട​ത്തി​പ്പി​നാ​യി സ​മൂ​ഹ​മാ​ധ്യ​മ​ങ്ങ​ൾ വ​ഴി ഇ​യാ​ളു​ടെ ഭാ​ര്യ​യു​ടെ ബാ​ങ്ക്​ അ​ക്കൗ​ണ്ടി​ലേ​ക്ക്​ പ​ണ​സ​മാ​ഹ​ര​ണ​വും നടത്തിയിരുന്നു.