ലക്ഷദ്വീപ് ജനതയുടെ പ്രശ്നങ്ങൾ ഉന്നയിച്ച്​ പവാർ - മോദി കൂടിക്കാഴ്ച

ന്യൂഡൽഹി: ലക്ഷദ്വീപിൽ പുതിയ അഡ്​മിനിസ്​ട്രേറ്ററായ പ്രഫുൽകോഡ പട്ടേൽ നടപ്പാക്കുന്ന ജനവിരുദ്ധ നപടികൾ ധരിപ്പിക്കാൻ എൻ.സി.പി തലവൻ ശരത്​ പവാർ പ്രധാമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. ലക്ഷദ്വീപിലെ എൻ.സി.പി​ എം.പി മുഹമ്മദ്​ ഫൈസലുമൊത്താണ്​ ശരത്​ പവാർ മോദിയെ കണ്ടത്​.

തുടർന്ന്​ പവാർ വിളിച്ചു ചേർത്ത വാർത്താസമ്മേളനത്തിൽ ദ്വീപ്​ ജനത അനുഭവിക്കുന്ന പ്രശ്നങ്ങൾ തങ്ങൾ ഇരുവരും പ്രധാനമന്ത്രിയെ ധരിപ്പിച്ചുവെന്ന്​ അദ്ദേഹം പറഞ്ഞു. ലക്ഷദ്വീപ്​ വിഷയം ചർച്ച ചെയ്യാൻ വേണ്ടിയാണ്​ കുടിക്കാഴ്ച നിശ്ചയിച്ചതെന്നും കാര്യങ്ങൾ മുഹമ്മദ്​ ഫൈസൽ വിശദമായി ​മോദിക്ക്​ മുമ്പാകെ അവതരിപ്പിച്ചുവെന്നും പവാർ പറഞ്ഞു.

തങ്ങൾ അവതരിപ്പിച്ച വിഷയങ്ങളെല്ലാം പ്രധാനമ​ന്ത്രി ശ്രദ്ധയോടെ കേട്ടുവെന്നും നടപടി ഉണ്ടാകുമെന്ന പ്രതീക്ഷയു​ണ്ടെന്നും ഫൈസൽ പറഞ്ഞു.