'ആത്മാഭിമാനമുള്ള ആർക്കും ഈ സ്ഥാനത്ത് തുടരാനാവില്ല' -ഗവർണർക്കെതിരെ രൂക്ഷ വിമർശനവുമായി ശരദ്​ പവാർ

മുംബൈ​: സംസ്ഥാനത്ത് ആരാധനാലയങ്ങൾ വീണ്ടും തുറക്കുന്നതുമായി ബന്ധപ്പെട്ട് ഗവർണർ ഭഗത്​ സിങ്​ കോശിയാരിയുടെ പ്രസ്​താവനക്കെതിരെ രൂക്ഷ വിമർശനവുമായി എൻ.സി.പി അധ്യക്ഷൻ ശരദ് പവാർ.

ആത്മാഭിമാനമുള്ള ആർക്കും ഈ സ്ഥാനത്ത് തുടരാനാവില്ല. ഗവർണർ ഭഗത് സിംഗ് കോശിയാരി പ്രസ്​താവനകളിൽ സൂക്ഷമത പുലർത്തണമെന്ന്​ കേന്ദ്ര ആഭ്യന്തരമന്ത്രി അമിത് ഷാ പറഞ്ഞിരുന്നു.

ഗവർണറുടെ കത്തിലെ ഭാഷ പ്രയോഗങ്ങളിൽ നിരാശ പ്രകടിപ്പിച്ചുകൊണ്ടുള്ള കേന്ദ്ര ആഭ്യന്തരമന്ത്രിയുടെ പ്രസ്താവനക്ക്​ ആത്മാഭിമാനമുള്ള ആരും തസ്തികയിൽ തുടരണോ വേണ്ടയോ എന്ന് ചിന്തിക്കുമെന്നും ശരദ്​ പവാർ പറഞ്ഞു.

ഗവർണർ ഭഗത് സിംഗ് കോശിയാരി ഉപയോഗിക്കുന്ന ഭാഷയെക്കുറിച്ച് കേന്ദ്ര ആഭ്യന്തരമന്ത്രി ആശങ്ക ഉന്നയിച്ചിട്ടുണ്ടെങ്കിൽ അതിൽ പ്രാധാന്യമുണ്ടെന്നും ശരദ്​ പവാർ പറഞ്ഞു. ഒസ്​മനാബാദിൽ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം.

​േ​കാശിയാരി വാക്കുകൾ നന്നായി തെരഞ്ഞെടുക്കാമായിരുന്നുവെന്ന് അമിത്​ ഷാ പ്രതികരിച്ചിരുന്നു.

ആരാധനാലയങ്ങൾ വീണ്ടും തുറക്കുന്നത് നീട്ടിവെക്കുന്നത് തുടരാൻ നിങ്ങൾക്ക് എന്തെങ്കിലും ദിവ്യ മുന്നറിയിപ്പ് ലഭിക്കുന്നുണ്ടോ അല്ലെങ്കിൽ നിങ്ങൾ വെറുത്ത 'മതേതര'ത്തിലേക്ക്​ പെട്ടെന്ന് മാറിയോ?'' എന്ന്​ ഗവർണർ ഭഗത് സിങ്​ കോശിയാരി മുഖ്യമന്ത്രി ഉദ്ദവ്​ താക്കറെക്ക്​ അയച്ച കത്തിൽ ചോദിച്ചിരുന്നു.

എന്നാൽ ഗവർണറു​​ടെ കത്തിന്​ ഉദ്ധവ്​ താക്കറെ ശക്തമായ തിരിച്ചടി നൽകി. ഹിന്ദുത്വത്തെക്കുറിച്ച് മതപ്രഭാഷണം നടത്തേണ്ട ആവശ്യമില്ലെന്ന് ഗവർണക്ക്​ താക്കറെ മറുപടി നൽകിയിരുന്നു.