മഹാരാഷ്​ട്രയിലെ 45 സീറ്റുകളിൽ കോൺഗ്രസ്​-എൻ.സി.പി ധാരണ

മുംബൈ: മഹാരാഷ്​ട്രയിൽ കോൺഗ്രസും എൻ.സി.പിയുമായുള്ള സീറ്റ്​ ധാരണ സംബന്ധിച്ച്​ അന്തിമ രൂപമാകുന്നു. 48 ലോക്​സഭ സ ീറ്റുകളിൽ 45ലും കോൺഗ്രസുമായി എൻ.സി.പി ധാരണയിലെത്തിയിട്ടുണ്ട്​.

എൻ.സി.പിക്ക്​ ലഭിക്കുന്ന സീറ്റുകളിൽ നിന്ന്​ ഒരു സീറ്റ്​ രാജു ഷെട്ടിയുടെ സ്വാഭിമാനി ശേദ്​കാരി സൻഗത്തനക്ക്​ നൽകും. കൊൽഹാപൂരിലെ ഹത്​കാനൻഗ്​ൽ ആവും നൽകുക. ഇടതു കക്ഷികൾക്കുള്ള സീറ്റുകൾ കോൺഗ്രസ്​ അവരുടെ പങ്കിൽ നിന്നും നൽകുമെന്നും ധാരണയായി. രാഹുൽഗാന്ധിയുമായുള്ള ചർച്ചക്ക്​ ശേഷം ന്യൂസ്​18ന്​ നൽകിയ അഭിമുഖത്തിൽ ശരത്​ പവാറാണ്​ ഇക്കാര്യം വ്യക്തമാക്കിയത്​.

ശേഷിക്കുന്ന മൂന്ന്​ സീറ്റുകളെ സംബന്ധിച്ച്​ ചർച്ച നടക്കുകയാണ്​. അവിടെ ജയസാധ്യത കൂടുതലുള്ള പാർട്ടി മത്സരിക്കണമെന്നതാണ്​ എൻ.സി.പിയുടെ സമീപനം. അക്കാര്യം ഇരുപാർട്ടികളും ചേർന്ന്​ പരിശോധിച്ചു വരികയാണ്​. വർധ സീറ്റിൽ ​രാജു ഷെട്ടിയുടെ പാർട്ടി താത്​പര്യം പ്രകടിപ്പിച്ചതായി അറിയാൻ സാധിച്ചിട്ടുണ്ടെന്നും എന്നാൽ അത്​ കോൺഗ്രസി​​​​​​​െൻറ സീറ്റാണെന്നും ശരത്​ പവാർ പറഞ്ഞു. രാജ്​ താക്കറെയുമായുള്ള ചർച്ചയെ കുറിച്ചുള്ള ചോദ്യത്തിന്​ അത്​ വ്യക്തിപരമായ കൂടിക്കാഴ്​ചയാണെന്ന്​ പവാർ മറുപടി നൽകി.

എൻ.സി.പിയുടെ സീറ്റായ​ മുംബൈ നോർത്തിന്​ രാജ്​ താക്കറെയുടെ എം.എൻ.എസ്​ ആവശ്യം ഉന്നയിച്ചതായുള്ള വാർത്തകൾ അദ്ദേഹം നിഷേധിച്ചു. രാജ്​ താക്കറെ താനുമായോ ത​​​​​​​െൻറ പാർട്ടിയിലെ ഏതെങ്കിലും നേതാക്കളുമായോ ചർച്ചനടത്തിയിട്ടില്ലെന്നും രാജ്​ താക്കറെ അദ്ദേഹത്തി​​​​​​​െൻറ മക​​​​​​​െൻറ വിവാഹ ക്ഷണക്കത്ത്​ നൽകാൻ എത്തിയതായിരുന്നെന്നും ശരത്​ പവാർ വ്യക്തമാക്കി.