നിതീഷിനെ വെല്ലുവിളിച്ച്​ ശരത്​ യാദവി​െൻറ മതേതര​ കൺവെൻഷൻ ഇന്ന്​

ഡൽഹി: നിതീഷ് കുമാറുമായി ഇടഞ്ഞ ശരത് യാദവും അദ്ദേഹത്തെ പിന്തുണക്കുന്നവരും ഇന്ന്​ ദൽഹിയിൽ കൺവെൻഷൻ സംഘടിപ്പിക്കുന്നു.   16 പ്രതിപക്ഷ പാര്‍ട്ടികളാണ്​ കണ്‍വെന്‍ഷനില്‍ പങ്കെടുക്കുക.  രാഹുൽ ഗാന്ധി, മൻമോഹൻ സിങ്​, അഖലേഷ്​ യാദവ്​, സീതാറാം ​െയച്ചൂരി തുടങ്ങിയവർ സമ്മേളനത്തിൽ പ​െങ്കടുക്കുമെന്നാണ്​ കരുതുന്നത്​.  മതേതര ഇന്ത്യയുടെ ഐക്യം എന്ന മുദ്രാവാക്യവുമായാണ് സമ്മേളനം. 

ബി.ജെ.പി കൂട്ടുകെട്ടി​​​െൻറ പേരിൽ നിതീഷ് കുമാറുമായി ഇടഞ്ഞതോടെ ജെ.ഡി.യുവി​​​െൻറ നിയന്ത്രണത്തിനു വേണ്ടിയുള്ള പോരാട്ടത്തിലാണ്​ ശരത്​ യാദവ്​. എന്നാൽ സമ്മേളനം വ്യക്​തികൾക്കെതിരെയ​െല്ലന്നും ഇന്ത്യയുടെ വൈവിധ്യം സംരക്ഷിക്കുന്നതിനാണെന്നും  ശരത്​യാദവ്​ പറഞ്ഞു. 

ഇതിനിടെ എന്‍.ഡി.എയില്‍ സഖ്യകക്ഷിയാകുന്നത് പ്രഖ്യാപിക്കാന്‍ ശനിയാഴ്ച പാര്‍ട്ടിയുടെ ദേശീയ നിര്‍വാഹക സമിതിയോഗം നിതീഷ് കുമാർ വിളിച്ചിട്ടുണ്ട്.