ഇ​ന്ത്യ -​ ചൈ​ന സൈ​നി​കരുടെ ഏറ്റുമുട്ടൽ: ചെ​റു​പ്ര​സ്താ​വ​ന മാ​ത്രം ന​ട​ത്തി​യ​ത് ജനാധിപത്യ വിരുദ്ധം -തരൂർ

ന്യൂ​ഡ​ൽ​ഹി: ഇ​ന്ത്യ-​ചൈ​ന സൈ​നി​ക​ർ അ​തി​ർ​ത്തി​യി​ൽ ഏ​റ്റു​മു​ട്ടി​യ വി​ഷ​യ​ത്തി​ൽ സ​ർ​ക്കാ​ർ പാ​ർ​ല​മെ​ന്‍റി​ൽ വി​ശ​ദാം​ശ​ങ്ങ​ളി​ല്ലാ​ത്ത ചെ​റു​പ്ര​സ്താ​വ​ന മാ​ത്രം ന​ട​ത്തി​യ​ത്​ ജ​നാ​ധി​പ​ത്യ വി​രു​ദ്ധ​മാ​ണെ​ന്ന്​ കോ​ൺ​ഗ്ര​സ്​ നേ​താ​വ്​ ശ​ശി ത​രൂ​ർ എം.​പി.

അ​തി​ർ​ത്തി​യി​ലെ യ​ഥാ​ർ​ഥ നി​യ​ന്ത്ര​ണ ​രേ​ഖ​യു​ടെ ത​ൽ​സ്ഥി​തി മാ​റ്റി​മ​റി​ക്കാ​ൻ ചൈ​നീ​സ്​ സേ​ന ഏ​ക​പ​ക്ഷീ​യ​മാ​യി ശ്ര​മി​ച്ചു​വെ​ന്നും ഇ​ന്ത്യ​ൻ സേ​ന ത​ക്ക മ​റു​പ​ടി ന​ൽ​കി​യെ​ന്നു​മാ​ണ്​ ക​ഴി​ഞ്ഞ ദി​വ​സം പ്ര​തി​രോ​ധ മ​ന്ത്രി രാ​ജ്​​നാ​ഥ്​​സി​ങ്​ പാ​ർ​ല​മെ​ന്‍റി​ൽ പ​റ​ഞ്ഞ​ത്. ച​ർ​ച്ച​ക​ൾ​ക്കു​വേ​ണ്ടി​യാ​ണ്​ പാ​ർ​ല​മെ​ന്‍റ്. ജ​ന​ങ്ങ​ളോ​ടു​ള്ള സ​ർ​ക്കാ​റി​ന്‍റെ പ്ര​തി​ബ​ദ്ധ​ത കാ​ണി​ക്കു​ന്ന വേ​ദി കൂ​ടി​യാ​ണ​ത്.

ചൈ​ന അ​ഞ്ചു വ​ർ​ഷ​മാ​യി അ​തി​ർ​ത്തി​യി​ൽ പ്ര​ശ്ന​ങ്ങ​ൾ ഉ​ണ്ടാ​ക്കു​ന്നു. അ​തേ​ക്കു​റി​ച്ച സ​ർ​ക്കാ​റി​ന്‍റെ കാ​ഴ്​​ച​പ്പാ​ട്​ വി​ശ​ദ​മാ​ക്കേ​ണ്ട​തു​ണ്ട്. ധാ​ര​ണ​ക​ളെ​ക്കു​റി​ച്ച്​ ജ​ന​ങ്ങ​ളെ ബോ​ധ്യ​പ്പെ​ടു​ത്ത​ണം. സം​ശ​യ​ങ്ങ​ൾ​ക്ക്​ മ​റു​പ​ടി പ​റ​യ​ണം. ഇ​തൊ​ക്കെ സാ​ധാ​ര​ണ ന​ട​പ​ടി​ക​ളാ​ണ്. രാ​ജ്യ​ര​ക്ഷ​ വി​ഷ​യ​ങ്ങ​ളി​ൽ കൂ​ടു​ത​ൽ വി​വ​ര​ങ്ങ​ൾ ന​ൽ​കാ​നാ​വി​ല്ലെ​ന്ന നി​ല​പാ​ട്​ അം​ഗീ​ക​രി​ക്കാ​നാ​വി​ല്ല. ജ​നാ​ധി​പ​ത്യ​ത്തി​ൽ താ​ൽ​പ​ര്യ​മി​ല്ലെ​ന്നും ജ​ന​ങ്ങ​ളോ​ട്​ പ്ര​തി​ബ​ദ്ധ​മ​ല്ലെ​ന്നു​മാ​ണ്​ സ​ർ​ക്കാ​ർ കാ​ണി​ച്ചു​ത​രു​ന്ന​ത്. ത​ന്ത്ര​പ്ര​ധാ​ന​ സൈ​നി​ക വി​വ​ര​ങ്ങ​ള​ല്ല, സം​ഭ​വി​ച്ച​തി​ന്‍റെ വി​ശ​ദാം​ശ​ങ്ങ​ളാ​ണ്​ ചോ​ദി​ക്കു​ന്ന​തെ​ന്നും ത​രൂ​ർ പ​റ​ഞ്ഞു.