ഡൽഹിയിലെ കലാപം എങ്ങനെയാണ്​ മലയാള ചാനലുകൾ ആളിക്കത്തിക്കുക ? വിലക്കിനെതിരെ ശശി തരൂർ

തിരുവനന്തപുരം: പ്രമുഖ മലയാളം വാർത്താ ചാനലുകളായ ഏഷ്യാനെറ്റ്​, മീഡിയ വൺ എന്നിവക്ക്​ കേന്ദ്ര വാർത്താ വിതരണ മന്ത ്രാലയം ഏർപ്പെടുത്തിയ വിലക്കിനെതിരെ പ്രമുഖർ രംഗ​ത്ത്​. ശശി തരൂർ എം.പി, മാധ്യമ പ്രവർത്തകൻ രാജ്​ദീപ്​ സർദേശായി എന ്നിവരാണ്​ നടപടിക്കെതിരെ ട്വിറ്ററിൽ പ്രതികരിച്ചത്​.

ഡൽഹിയിൽ നടന്ന സാമുദായിക കലാപം ആളിക്കത്തിക്കാൻ എങ്ങനെ യാണ്​ മലയാളം ചാനലുകൾക്കാവുക..? മറുവശത്ത്​ റിപബ്ലിക്​ ടി.വി, ടൈംസ്​ നൗ പോലുള്ള ചാനലുകൾ യാതൊരു ഭയാശങ്കകളുമില്ല ാതെ നിർലജ്ജം വാർത്തകൾ വളച്ചൊടിച്ച്​ നൽകുന്നു. സ്വതന്ത്ര ചാനലുകളായി പ്രവർത്തിക്കുന്ന ഏഷ്യാനെറ്റിനും മീഡിയവണിനും ഏർപ്പെടുത്തിയ നിരോധനം പിൻവലിക്കുക -ശശി തരൂർ ട്വിറ്ററിൽ കുറിച്ചു.

ഡൽഹി കലാപം റിപ്പോർട്ട്​ ചെയ്​തതിന്​ വാർത്താ വിതരണ മന്ത്രാലയം 48 മണിക്കൂറിനേക്ക്​ മലയാളം ചാനലുകളായ മീഡിയ വൺ, ഏഷ്യാനെറ്റ്​ എന്നിവയെ നിരോധിച്ചു. കേന്ദ്ര സർക്കാരി​​​​െൻറ മൗത്​പീസായി പ്രവർത്തിച്ച ചാനലുകൾക്കെതിരെ നടപടിയൊന്നുമില്ലേ...? രാജ്​ദീപ്​ സർദേശായി ട്വിറ്ററിലൂടെ ചോദിച്ചു. ഏതൊക്കെ ചാനലുകൾ നിരോധിക്കണം എന്നുള്ള തീരുമാനമെടുക്കാനുള്ള അധികാരം ഒരിക്കലും മന്ത്രാലയത്തിനോ ഉദ്യോഗസ്ഥർക്കോ നൽകരുത്​. അത്​ നിർബന്ധമായും ബ്രിട്ടനിലുള്ള OFCOM പോലുള്ള സ്വതന്ത്രരായ ഉദ്യോഗസ്​ഥർ മുഖേന സുതാര്യമായ നടപടിയിലൂ​ടെ മാത്രമായിരിക്കണമെന്നും അദ്ദേഹം പറഞ്ഞു.

How on earth can Malayalam channels inflame communal passions in Delhi? Whereas the truly vicious propaganda channels like Ré-pubic & TimesCow continue their brazen distortions w/impunity. @asianetnewstv& @MediaOneTVLive are fine independent media. #LiftTheBan now. https://t.co/0eVQBbRKPx

— Shashi Tharoor (@ShashiTharoor) March 6, 2020

Breaking now: Ministry of I and B bans Asianet and Media 1, both Malyalam channels for 48 hours, for their reporting on Delhi riots. Any action against govt mouthpiece channels?

— Rajdeep Sardesai (@sardesairajdeep) March 6, 2020

Decisions on which channel to ban/not ban/censor should never be left to ministries/bureaucrats. Must be done by an independent body of professionals like OFCOM in UK and based on transparent procedures. Enough of the nanny state in our lives. #AsianetBan

— Rajdeep Sardesai (@sardesairajdeep) March 6, 2020