അനുനയ നീക്കം പൊളിച്ച് തരൂർ; രാ​ഹു​ലി​നെ ക​ണ്ടി​ട്ടും നി​ല​പാ​ടി​ലു​റ​ച്ച് തന്നെ

ന്യൂ​ഡ​ൽ​ഹി: രാ​ഹു​ൽ ഗാ​ന്ധി​യു​ടെ അ​നു​ന​യ​നീ​ക്ക​വും പൊ​ളി​ച്ച് ശ​ശി ത​രൂ​ർ. ത​ന്റെ ലേ​ഖ​ന​ത്തെ വീ​ണ്ടും ന്യാ​യീ​ക​രി​ച്ച ശ​ശി ത​രൂ​ർ കേ​ര​ള സ​ർ​ക്കാ​റി​നു​ള്ള പ്ര​ശം​സ ​ഡേ​റ്റ​ക​ളു​ടെ അ​ടി​സ്ഥാ​ന​ത്തി​ലാ​ണെ​ന്ന് ആ​വ​ർ​ത്തി​ച്ചു. ആ ​ഡേ​റ്റ​ക​ൾ ഒ​ന്നും സി.​പി.​എ​മ്മി​ന്റേ​ത​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. രാ​ഹു​ലു​മാ​യു​ള്ള കൂ​ടി​ക്കാ​ഴ്ച​ക്കു​ശേ​ഷ​വും നി​ല​പാ​ടി​ൽ​നി​ന്ന് താ​ൻ അ​ണു​വി​ട മാ​റി​യി​ട്ടി​ല്ലെ​ന്നാ​ണ് ത​രൂ​ർ വ്യ​ക്ത​മാ​ക്കി​യ​ത്.

വി​വാ​ദ പ്ര​സ്താ​വ​ന​ക​ളി​ലൂ​ടെ കോ​ൺ​ഗ്ര​സി​നെ സം​സ്ഥാ​ന​ത്തും ദേ​ശീ​യ​ത​ല​ത്തി​ലും വെ​ട്ടി​ലാ​ക്കി​യ​തി​നെ തു​ട​ർ​ന്നാ​യി​രു​ന്നു രാ​ഹു​ൽ ഗാ​ന്ധി​യു​ടെ അ​നു​ന​യ​നീ​ക്കം. രാ​ഹു​ലി​നെ ഒ​റ്റ​ക്ക് കാ​ണാ​നാ​വാ​ത്ത​തി​ലു​ള്ള ത​രൂ​രി​ന്റെ പ​രാ​തി ഇ​തോ​ടെ തീ​ർ​ന്നു​വെ​ന്ന നി​ല​ക്ക് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ പ്ര​തി​ക​രി​ക്കു​ക​യും ചെ​യ്തി​രു​ന്നു. പാ​ർ​ട്ടി​യി​ൽ പ്ര​ശ്ന​ങ്ങ​ളൊ​ന്നും ഇ​ല്ലെ​ന്നും എ​ല്ലാം കൂ​ളാ​ണെ​ന്നു​മാ​ണ് അ​ദ്ദേ​ഹം ചൊ​വ്വാ​ഴ്ച പ​റ​ഞ്ഞ​ത്.

എ​ന്നാ​ൽ, ഉ​ന്ന​യി​ച്ച വി​ഷ​യ​ങ്ങ​ളി​ലും എ​ഴു​തി​യ ലേ​ഖ​ന​ത്തി​ലും ഉ​റ​ച്ചു​നി​ൽ​ക്കു​ന്നു​ണ്ടോ എ​ന്ന ചോ​ദ്യ​ത്തി​ന് താ​ൻ അ​വ​ലം​ബി​ച്ച ഡേ​റ്റ​ക​ളു​ടെ ഉ​റ​വി​ട​ങ്ങ​ൾ ഏ​തൊ​ക്കെ​യെ​ന്ന് ത​ന്റെ ലേ​ഖ​ന​ത്തി​ൽ​ത​ന്നെ എ​ഴു​തി​യി​ട്ടു​ണ്ടെ​ന്ന് ശ​ശി ത​രൂ​ർ വ്യ​ക്ത​മാ​ക്കി. ഇ​നി വേ​റെ ഉ​റ​വി​ട​ങ്ങ​ളി​ൽ​നി​ന്ന് വേ​റെ ഡേ​റ്റ ല​ഭി​ച്ചാ​ൽ അ​ത് കാ​ണാ​ൻ താ​ൻ ത​യാ​റാ​ണ്. വി​വ​ര​ത്തി​ന്റെ അ​ടി​സ്ഥാ​ന​ത്തി​ലേ എ​ഴു​തു​ക​യു​ള്ളൂ. ആ ​വി​വ​ര​ത്തി​ന്റെ ഉ​റ​വി​ട​ങ്ങ​ളി​ൽ ഒ​ന്ന് ‘ഗ്ലോ​ബ​ൽ സ്റ്റാ​ർ​ട്ട​പ് ഇ​ക്കോ സി​സ്റ്റം റി​പ്പോ​ർ​ട്ടും’ മ​റ്റൊ​ന്ന് ‘ഈ​സ് ഓ​ഫ് ഡൂ​യി​ങ് ബി​സി​ന​സ് റാ​ങ്കി​ങ്ങും’ ആ​ണ്. ഇ​വ ര​ണ്ടും സി.​പി.​എ​മ്മി​ന്റേ​ത​ല്ല. ‘ഈ​സ് ഓ​ഫ് ഡൂ​യി​ങ് ബി​സി​ന​സ് റാ​ങ്കി​ങ്’ കേ​ന്ദ്ര സ​ർ​ക്കാ​റി​ന്റേ​തും ഗ്ലോ​ബ​ൽ സ്റ്റാ​ർ​ട്ട​പ് ഇ​ക്കോ സി​സ്റ്റം റി​പ്പോ​ർ​ട്ട്’ അ​ന്താ​രാ​ഷ്​​ട്ര മേ​ഖ​ല​യി​ൽ നി​ന്നു​മു​ള്ള​തു​മാ​ണെ​ന്നും ശ​ശി ത​രൂ​ർ വ്യ​ക്ത​മാ​ക്കി.

ഡി.​വൈ.​എ​ഫ്.​ഐ​യു​ടെ ക്ഷ​ണം ല​ഭി​ച്ച കാ​ര്യ​വും ത​രൂ​ർ സ്ഥി​രീ​ക​രി​ച്ചു. അ​വ​ർ വ​ന്ന​പ്പോ​ൾ ആ ​ദി​വ​സ​ങ്ങ​ളി​ൽ ഒ​ഴി​വി​ല്ലെ​ന്ന് പ​റ​ഞ്ഞ​താ​ണെ​ന്നും ത​രൂ​ർ പ​റ​ഞ്ഞു.

രാ​ഹു​ൽ ഗാ​ന്ധി​യു​മാ​യു​ള്ള ത​ന്റെ കൂ​ടി​ക്കാ​ഴ്ച ത​ങ്ങ​ളി​രു​വ​രും മാ​ത്ര​മു​ള്ള​താ​യി​രു​ന്നു​വെ​ന്നും മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന് ത​രൂ​ർ മ​റു​പ​ടി ന​ൽ​കി. രാ​ഹു​ലു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ൽ തൃ​പ്ത​നാ​ണോ എ​ന്ന ചോ​ദ്യ​ത്തി​ൽ​നി​ന്ന് ‘ഒ​രു പ്ര​ശ്ന​വു​മി​ല്ല’ എ​ന്ന് മാ​ത്രം ​പ​റ​ഞ്ഞ് ത​രൂ​ർ ഒ​ഴി​ഞ്ഞു​മാ​റി. വി​വി​ധ വി​ഷ​യ​ങ്ങ​ൾ ച​ർ​ച്ച ചെ​യ്യു​ന്ന​തി​നാ​യി കൂ​ടി​ക്കാ​ഴ്ച ന​ട​ത്ത​ണ​മെ​ന്ന് വ​ള​രെ​ക്കാ​ല​മാ​യി ആ​വ​ശ്യ​പ്പെ​ട്ടി​രു​ന്നു​വെ​ന്നും കൂ​ടു​ത​ൽ പ​റ​യാ​നി​ല്ലെ​ന്നു​മാ​യി​രു​ന്നു അ​ദ്ദേ​ഹം പ്ര​തി​ക​രി​ച്ച​ത്.