യുക്രെയ്ൻ: ഇന്ത്യ നടത്തിയത് ഞാണിന്മേൽകളി -തരൂർ

ന്യൂ​ഡ​ൽ​ഹി: യു​ക്രെ​യ്ൻ വി​ഷ​യ​ത്തി​ൽ 'ഞാ​ണി​ന്മേ​ൽ​ക​ളി' നി​ല​പാ​ടാ​ണ് ഇ​ന്ത്യ​യു​ടേ​തെ​ന്ന് കോ​ൺ​ഗ്ര​സ് നേ​താ​വും ന​യ​ത​ന്ത്ര വി​ദ​ഗ്ധ​നു​മാ​യ ശ​ശി ത​രൂ​ർ എം.​പി. ന​യ​ത​ന്ത്ര ത​ല​ത്തി​ൽ സ​ങ്കീ​ർ​ണ​മാ​യ, വെ​ല്ലു​വി​ളി നി​റ​ഞ്ഞ സ​മ​യ​മാ​ണി​ത്. മ​റ്റു രാ​ജ്യ​ങ്ങ​ളോ​ടു​ള്ള പ​ല​വി​ധ താ​ൽ​പ​ര്യ​ങ്ങ​ൾ നി​മി​ത്തം ഞാ​ണി​ന്മേ​ൽ​ക​ളി വേ​ണ്ടി വ​രു​ന്നു -അ​ദ്ദേ​ഹം അ​ഭി​പ്രാ​യ​പ്പെ​ട്ടു.

യു​ക്രെ​യ്നെ​ക്കു​റി​ച്ച ചി​ത്ര​പ്ര​ദ​ർ​ശ​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു ത​രൂ​ർ. ഇ​ന്ത്യ ന​ട​ത്തി​യ ആ​ദ്യ പ്ര​സ്താ​വ​ന​യി​ൽ റ​ഷ്യ​യെ അ​സ്വ​സ്ഥ​മാ​ക്കു​ന്ന എ​ന്തെ​ങ്കി​ലും പ​റ​യാ​ൻ ഇ​ന്ത്യ ത​യാ​റ​ല്ലാ​യി​രു​ന്നു​വെ​ന്ന് ത​രൂ​ർ ചൂ​ണ്ടി​ക്കാ​ട്ടി. ഒ​രു രാ​ജ്യ​ത്തി​ന്റെ പ​ര​മാ​ധി​കാ​ര​ത്തി​ൽ ക​ട​ന്നു ക​യ​റു​ക​യും യു.​എ​ൻ പ്ര​മാ​ണം ലം​ഘി​ക്കു​ക​യും ചെ​യ്ത സം​ഭ​വം ​വ​ഴി യു​ക്രെ​യ്ന് അ​നു​കൂ​ല​മാ​യി വ​ലി​യ ആ​ഗോ​ള പി​ന്തു​ണ​യാ​ണ് ഉ​ണ്ടാ​യി​രി​ക്കു​ന്ന​ത്. ക​ട​ന്നു​ക​യ​റ്റം ഒ​രു രാ​ഷ്ട്ര​വും അം​ഗീ​ക​രി​ക്കി​ല്ല.

യു.​എ​ന്നി​ൽ നി​ന്ന് തു​ട​ർ​ച്ച​യാ​യി വി​ട്ടു​നി​ൽ​ക്കേ ഇ​ന്ത്യ ന​ട​ത്തി​യ തു​ട​ർ പ്ര​സ്താ​വ​ന​ക​ളെ ഭ​രി​ച്ച​തും പ​ല​വി​ധ താ​ൽ​പ​ര്യ​ങ്ങ​ളാ​ണ്. സൈ​നി​ക​മാ​യി ഇ​ന്ത്യ​ക്ക് റ​ഷ്യ​യെ​യും പാ​ശ്ചാ​ത്യ ശ​ക്തി​ക​ളെ​യും ആ​ശ്ര​യി​ക്കേ​ണ്ട​തു​ണ്ട്. അ​വ​രെ പ്ര​കോ​പി​പ്പി​ക്കാ​ൻ പാ​ടി​ല്ല. 'ക്വാ​ഡി'​ൽ ഇ​ന്ത്യ അം​ഗ​മാ​ണ്. ഇ​ന്ത്യ-​പ​സ​ഫി​ക് മേ​ഖ​ല​യി​ൽ അ​മേ​രി​ക്ക​ൻ നി​രീ​ക്ഷ​ണം ഒ​ഴി​വാ​കു​ന്ന​ത് ഇ​ന്ത്യ ആ​ഗ്ര​ഹി​ക്കു​ന്നി​ല്ല. യു​ക്രെ​യ്നി​ൽ നി​ന്ന് 23,000 വ​രു​ന്ന ഇ​ന്ത്യ​ൻ പൗ​ര​ന്മാ​രെ ഒ​ഴി​പ്പി​ക്കേ​ണ്ട​തു​മു​ണ്ടാ​യി​രു​ന്നു. ഇ​ത്ത​ര​ത്തി​ലു​ള്ള പ​ല​വി​ധ വി​ഷ​യ​ങ്ങ​ൾ​ക്കി​ട​യി​ൽ ഞാ​ണി​ന്മേ​ൽ​ക​ളി വേ​ണ്ടി വ​ന്നു. ഇ​ന്ത്യ​യു​ടെ നി​ല​പാ​ടാ​ക​ട്ടെ, മ​റ്റു പ​ല രാ​ജ്യ​ങ്ങ​ൾ​ക്കും പ്ര​ധാ​ന​വു​മാ​ണ്. യു​ക്രെ​യ്ൻ കാ​ര്യ​ത്തി​ൽ റ​ഷ്യ ക​ണ​ക്കാ​ക്കി​യ പോ​ലെ കാ​ര്യ​ങ്ങ​ൾ നീ​ങ്ങി​യി​ല്ലെ​ന്നും ത​രൂ​ർ പ​റ​ഞ്ഞു.

യൂറോപ്പിൽ നിന്ന് ചോദ്യങ്ങളുയരുന്നു; സഹകരണം അനിവാര്യം -പ്രധാനമന്ത്രി

ന്യൂ​ഡ​ൽ​ഹി: ലോ​ക ക്ര​മ​ത്തി​നു നേ​രെ യൂ​റോ​പ്പി​ൽ നി​ന്ന് ചോ​ദ്യ​ങ്ങ​ളു​യ​രു​ക​യാ​ണെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. യു​ക്രെ​യ്നി​ലെ റ​ഷ്യ​ൻ അ​ധി​നി​വേ​ശം സൂ​ചി​പ്പി​ച്ച പ്ര​ധാ​ന​മ​ന്ത്രി, ഈ ​സാ​ഹ​ച​ര്യ​ത്തി​ൽ ബിം​സ്റ്റെ​ക് രാ​ജ്യ​ങ്ങ​ൾ​ക്കി​ട​യി​ൽ വി​ശാ​ല​മാ​യ സ​ഹ​ക​ര​ണ​വും സ​മ​വാ​യ​വും അ​നി​വാ​ര്യ​മാ​ണെ​ന്നും കൂ​ട്ടി​ച്ചേ​ർ​ത്തു.

ബിം​സ്റ്റെ​ക് വെ​ർ​ച്വ​ൽ ഉ​ച്ച​കോ​ടി​യി​ൽ സം​സാ​രി​ക്കു​ക​യാ​യി​രു​ന്നു പ്ര​ധാ​ന​മ​ന്ത്രി. ബിം​സ്റ്റെ​ക് സെ​ക്ര​​ട്ടേ​റി​യ​റ്റി​ന്റെ ബ​ജ​റ്റി​ലേ​ക്ക് ഒ​രു ദ​ശ​ല​ക്ഷം ഡോ​ള​റി​ന്റെ സ​ഹാ​യ​വും പ്ര​ധാ​ന​മ​ന്ത്രി വാ​ഗ്ദാ​നം ചെ​യ്തു. ബം​ഗാ​ൾ ഉ​ൾ​ക്ക​ട​ൽ തീ​ര​ത്തു​ള്ള ഏ​ഴു​രാ​ജ്യ​ങ്ങ​ളു​ടെ കൂ​ട്ടാ​യ്മ​യാ​ണ് ബിം​​സ്റ്റെ​ക്.