ഷിബു സോറൻ വീണ്ടും ജെ.എം.എം അധ്യക്ഷൻ; ഹേമന്ദ്​ സോറൻ എക്​സിക്യൂട്ടിവ്​ പ്രസിഡൻറ്​

റാഞ്ചി: ഝാർഖണ്ഡ്​ മുക്​തി മോർച്ച (ജെ.എം.എം) അധ്യക്ഷനായി ഷിബു സോറൻ എം.പിയേയും എക്​സിക്യൂട്ടിവ്​ പ്രസിഡൻറായി മകനും ഝാർഖണ്ഡ്​ മുഖ്യമന്ത്രിയുമായ ഹേമന്ദ്​ സോറനെയും വീണ്ടും തിരഞ്ഞെടുത്തു.

'ഗുരുജി' എന്നറിയപ്പെടുന്ന ഷിബു സോറൻ, 1991 മുതൽ തുടർച്ചയായ 10ാം തവണയാണ്​ പാർട്ടി അധ്യക്ഷപദവിയിലെത്തുന്നത്​.

റാഞ്ചിയിൽ ശനിയാഴ്​ച നടന്ന പാർട്ടി 12ാം കേന്ദ്ര കൺവെൻഷനാണ്​ ഇരുവരെയും തിരഞ്ഞെടുത്തത്​. എം.പിമാരും എം.എൽ.എമാരും മന്ത്രിമാരും അടക്കം 700 ലേറെ പ്രതിനിധികൾ പങ്കെടുത്തു. 1972ലാണ്​ ജെ.എം.എം രൂപീ​കൃതമായത്​.