മേഘാലയയിൽ പരക്കെ അക്രമം; മുഖ്യമന്ത്രിയുടെ വീടിന്​ നേരെ ബോംബേറ്​, ഇൻറർനെറ്റ്​ സേവനം വിച്ഛേദിച്ചു

ഷില്ലോങ്​: ​േമഘാലയയിൽ മുൻ വിമത നേതാവ്​ ചെസ്​റ്റർഫീൽഡ്​ തങ്കിയോവ്​ കൊല്ലപ്പെട്ടതിന്​ പിന്നാലെയുണ്ടായ പ്രതിഷേധങ്ങളുടെയും അക്രമങ്ങള​ുടെയും തുടർച്ചയായി മുഖ്യമന്ത്രി കോൺറാഡ്​ കെ. സാങ്​മയുടെ വീടിന്​ നേരെ ആക്രമണം. ഞായറാഴ്​ച രാത്രി അജ്ഞാതർ പെട്രോൾ ബോംബ്​ എറിയുകയായിരുന്നു.

രാത്രി 10.15ഓടെ വാഹനത്തിലെത്തിയ അജ്ഞാതർ സാങ്​മയുടെ സ്വകാര്യവസതി​യിലേക്ക്​ രണ്ട്​ പെട്രോൾ ബോംബുകൾ എറിഞ്ഞശേഷം രക്ഷപ്പെട്ടു. ഒന്ന്​ വീടി​െൻറ മുൻവശത്തും മറ്റൊന്ന്​ പിറകുവശത്തുമാണ്​ വീണത്​. ആർക്കും പരിക്കേറ്റിട്ടില്ലെന്നും ​െപാലീസ്​ പറഞ്ഞു.

തുടർച്ചയായി അക്രമങ്ങൾ അരങ്ങേറിയതോടെ മേഘാലയ സർക്കാർ ഷി​േല്ലാങ്ങിൽ കർഫ്യൂ ഏർപ്പെടുത്തിയിരുന്നു. കൂടാതെ നാല്​ ജില്ലകളിൽ മൊബൈൽ ഇൻറർനെറ്റ്​ സേവനങ്ങളടക്കം വിച്ഛേദിച്ചു. ഈസ്​റ്റ്​ ഖാസി ഹിൽസ്​, വെസ്​റ്റ്​ ഖാസി ഹിൽസ്​, സൗത്ത്​ വെസ്​റ്റ്​ ഖാസി ഹിൽസ്​, റി -ബോയ്​ എന്നിവിടങ്ങളിലാണ്​ 48 മണിക്കൂർ ഇൻറർനെറ്റ്​ വിച്ഛേദിച്ചത്​.

അതേസമയം, സ്വാതന്ത്ര്യദിനത്തിൽ സംസ്​ഥാനത്ത്​ അരങ്ങേറിയ അക്രമ സംഭവങ്ങളുടെ പശ്ചാത്തലത്തിൽ ആഭ്യന്തരമന്ത്രി ലഖ്​മെൻ റിംബുയി രാജിവെച്ചിരുന്നു. സംഭവത്തിൽ ജുഡീഷ്യൽ അന്വേഷണവും അദ്ദേഹം ആവശ്യപ്പെട്ടു. കൂടാതെ വസതിയിൽ പൊലീസ്​ റെയ്​ഡ്​ നടക്കുന്നതിനിടെ തങ്കിയോവ്​ കൊല്ലപ്പെട്ടതിൽ ഞെട്ടൽ രേഖപ്പെടുത്തുകയും ചെയ്​തു.

'സംഭവത്തി​െൻറ ഗൗരവം പരിഗണിച്ച്​, ആഭ്യന്തര വകുപ്പ്​ മന്ത്രി സ്​ഥാനത്തുനിന്ന്​ ഉടൻ എന്നെ നീക്കണമെന്ന്​ അഭ്യർഥിക്കുന്നു. സംഭവങ്ങളുടെ സത്യാവസ്​ഥ പുറത്തുകൊണ്ടുവരാൻ സർക്കാർ സ്വീകരിച്ച സ്വതന്ത്രവും നീതിയുക്തവുമായ അ​േന്വഷണ​ത്തെ ഇത്​ സുഗമമാക്കും' -അദ്ദേഹം മുഖ്യമന്ത്രിക്ക്​ നൽകിയ രാജിക്കത്തിൽ പറയുന്നു.

വീട്ടിൽ പൊലീസ്​ റെയ്​ഡ്​ നടക്കുന്നതിനിടെയാണ്​ എച്ച്​.എൻ.എൽ.സി മുൻ നേതാവ്​ ചെറിഷ്​ സ്​റ്റാർഫീൽഡ്​ തങ്കിയോവ് വെടിയേറ്റ്​ മരിക്കുന്നത്​. വിമത നേതാവി​െൻറ കൊലപാതകത്തിൽ സംസ്​ഥാനത്തുടനീളം പ്രതിഷേധം ഉയരുകയായിരുന്നു. പൊലീസ്​ ആസൂത്രണം ചെയ്​ത കൊലപാതകമാണെന്നാണ്​ തങ്കിയോവി​െൻറ ബന്ധുക്കളുടെ ആരോപണം. മരണത്തിൽ നിരവധി പേർ സംസ്​ഥാന സർക്കാറിനെയും പൊലീസിനെയും രൂക്ഷമായി വിമർശിച്ച്​ രംഗത്തെത്തി. വിവിധ ഭാഗങ്ങളിൽ പൊലീസിന്​ നേരെ കല്ലേറുണ്ടായിരുനനു. അജ്ഞാതർ ഒര​ു പൊലീസ്​ വാഹനം കത്തിക്കുകയും ചെയ്​തു.