കൂടുതൽ ശിവസേന എം.എൽ.എമാർ വിമത പക്ഷത്തേക്ക്, 44 പേരുടെ പിന്തുണയുണ്ടെന്ന് അവകാശവാദം; വിഡിയോ പുറത്ത്

ഗുവാഹത്തി: മഹാരാഷ്ട്രയിലെ രാഷ്ട്രീയ പ്രതിസന്ധിക്കിടെ ശിവസേനയിലെ മൂന്നു എം.എൽ.എമാർ കൂടി വിമതപക്ഷത്തേക്ക്. രാവിലെ രണ്ട് കാറുകളിലാണ് എം.എൽ.എമാർ ഗു​വാ​ഹ​തി​യിലെ ഹോട്ടലിൽ എത്തിയത്. 44 എം.എൽ.എമാരുടെ പിന്തുണയുണ്ടെന്നാണ് വിമതരുടെ പുതിയ അവകാശവാദം. അതേസമയം, ശിവസേന നേതാവും മ​ന്ത്രിയുമായ ഏ​ക് നാ​ഥ് ഷി​ൻ​ഡെ വിമത എം.എൽ.എമാർക്കൊപ്പം നിൽകുന്ന വിഡിയോ പുറത്തുവന്നിട്ടുണ്ട്.

55 ശി​വ​സേ​ന എം.​എ​ൽ.​എ​മാ​രി​ൽ 34 പേ​രു​ടെ പി​ന്തു​ണ ഉണ്ടെന്നാണ് ഷി​ൻ​ഡെയുടെ അ​വ​കാ​ശ​വാദം. പാ​ർ​ട്ടി നി​യ​മ​സ​ഭാ ക​ക്ഷി നേ​തൃ​സ്ഥാ​ന​ത്ത് സ്വ​യം അ​വ​രോ​ധി​ത​നാ​യ ഷി​ൻ​ഡെ, ഈ ​വി​വ​രം അ​റി​യി​ച്ച് സ്പീ​ക്ക​ർ​ക്ക് അ​യ​ച്ച ക​ത്തി​ൽ 34 എം.​എ​ൽ.​എ​മാ​രാ​ണ് ഒ​പ്പി​ട്ട​ത്. ഇ​വ​രി​ൽ 29 പേ​രാ​ണ് ശി​വ​സേ​ന എം.​എ​ൽ.​എ​മാ​ർ. ശേ​ഷി​ച്ച​ത് സ്വ​ത​ന്ത്ര​രും ചെ​റു പാ​ർ​ട്ടി എം.​എ​ൽ.​എ​മാ​രു​മാ​ണ്. കൂ​റു​മാ​റ്റ നി​യ​മം ബാ​ധ​ക​മാ​കാ​തി​രി​ക്ക​ണ​മെ​ങ്കി​ൽ 37 ശി​വ​സേ​ന എം.​എ​ൽ.​എ​മാ​രു​ടെ പി​ന്തു​ണ ഷി​ൻ​ഡെ​ക്ക് വേ​ണം.

അതേസമയം, ബാ​ൽ​താ​ക്ക​റെ പ​ഠി​പ്പി​ച്ച ഹി​ന്ദു​ത്വ​യു​ടെ പേ​രി​ൽ ബി.​ജെ.​പി​ക്കൊ​പ്പം നി​ൽ​ക്ക​ണ​മെ​ന്ന ആ​വ​ശ്യ​ത്തി​ൽ ഉ​റ​ച്ചു​ നി​ൽ​ക്കു​ന്നതായി ഷി​ൻ​ഡെ വ്യക്തമാക്കി.

അതിനിടെ, ഷി​ൻ​ഡെ​യു​ടെ ക്യാമ്പിൽ നിന്ന് രണ്ട് ശി​വ​സേ​ന എം.​എ​ൽ.​എ​മാ​രായ നി​തി​ൻ ദേ​ശ്മു​ഖ്, കൈ​ലാ​സ് പാ​ട്ടീ​ൽ എ​ന്നി​വ​ർ മും​ബൈ​യി​ൽ തി​രി​ച്ചെ​ത്തി. ഇ​രു​വ​രും മു​ഖ്യ​മ​ന്ത്രി ഉ​ദ്ധ​വ് താ​ക്ക​​റെ​ക്ക് പി​ന്തു​ണ പ്രഖ്യാപിച്ചു. ഷി​ൻ​ഡെ​യു​ടെ ആ​ളു​ക​ൾ അ​ത്താ​ഴ​വി​രു​ന്നി​ന്റെ മ​റ​വി​ൽ ത​ങ്ങ​ളെ സൂ​റ​ത്തി​ലേ​ക്ക് ത​ട്ടി​ക്കൊ​ണ്ടു പോ​കു​ക​യാ​യി​രു​ന്നു​വെ​ന്നാണ് ഇവരുടെ ആ​രോ​പണം.

ശ​ക്തി​തെ​ളി​യി​ക്കു​ന്ന ക​ത്ത് ഏ​ക് നാ​ഥ് ഷി​​ൻ​ഡെ​യും സം​ഘ​വും കൈ​മാ​റി​യ​തോ​ടെ മ​ഹാ​രാ​ഷ്ട്ര രാ​ഷ്ട്രീ​യ​ത്തി​ന്റെ സ്റ്റി​യ​റി​ങ് ഗ​വ​ർ​ണ​ർ ഭഗത് സിങ് കോശിയാരിയുടെ കൈ​ക​ളി​ലെത്തി. നി​യ​മ​സ​ഭ പി​രി​ച്ചു​വി​ട്ട് രാ​ഷ്​​ട്ര​പ​തി ഭ​ര​ണ​ത്തി​നു ശി​പാ​ർ​ശ ചെ​യ്യാം. നി​യ​മ​സ​ഭ​യി​ൽ ഭൂ​രി​പ​ക്ഷം തെ​ളി​യി​ക്കു​ന്ന​തി​ന് മു​ഖ്യ​മ​ന്ത്രി​യോ​ട് ആ​വ​ശ്യ​പ്പെ​ടാം. നി​യ​മ​സ​ഭ സ​മ്മേ​ള​നം വി​ളി​ക്കാ​ൻ സ്പീ​ക്ക​ർ​ക്ക് നി​ർ​ദേ​ശം ന​ൽ​കാം. ഇ​ക്കാ​ര്യ​ങ്ങ​ളി​ലെ​ല്ലാം ഗ​വ​ർ​ണ​റു​ടെ തീ​രു​മാ​നമാണ് അന്തിമം.