ബി.ജെ.പി ഭീ​ഷ​ണി നിർത്തിക്കോളൂ, ഇ​തു​​ മ​ഹാ​രാ​ഷ്ട്രയാണെന്ന് മറക്കണ്ട -കേന്ദ്രമന്ത്രിക്ക് ചുട്ടമറുപടിയുമായി ശിവസേന നേതാവ്

മും​ബൈ: മ​ഹാ​രാ​ഷ്ട്ര​യി​ലെ ഭ​ര​ണ​ക​ക്ഷി നേ​താ​ക്ക​ൾ​ക്കെ​തി​രാ​യ കേ​ന്ദ്ര ഏ​ജ​ൻ​സി​ക​ളു​ടെ അ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട്​ ബി.​ജെ.​പി-​ശി​വ​സേ​ന നേ​താ​ക്ക​ൾ ത​മ്മി​ലു​ട​ലെ​ടു​ത്ത വാ​ക്​​പോ​ര്​ മു​റു​കു​ന്നു. സ​ഞ്ജ​യ്​ റാ​വു​ത്തി​ന്‍റെ​യും ശി​വ​സേ​ന​യു​ടെ​യും ജാ​ത​കം ത​ന്‍റെ കൈ​ക​ളി​ലാ​ണെ​ന്ന്​ പ​റ​ഞ്ഞ കേ​ന്ദ്ര​മ​ന്ത്രി നാ​രാ​യ​ൺ റാ​ണെ​യോ​ട്​ ക​ടു​ത്ത​ഭാ​ഷ​യി​ലാ​ണ് ശ​നി​യാ​ഴ്ച സ​ഞ്ജ​യ്​ റാ​വു​ത്ത്​ പ്ര​തി​ക​രി​ച്ച​ത്. 'ഭീ​ഷ​ണി നി​ർ​ത്തി​ക്കോ​ളൂ. ഇ​തു​​ മ​ഹാ​രാ​ഷ്ട്ര​യാ​ണ്. മ​റ​ക്ക​ണ്ട' എ​ന്നാ​യി​രു​ന്നു ​ റാ​വു​ത്തി​ന്‍റെ മ​റു​പ​ടി.

റാ​വു​ത്തി​ന്‍റെ ല​ക്ഷ്യം മു​ഖ്യ​മ​ന്ത്രി പ​ദ​മാ​ണെ​ന്നും ഉ​ദ്ധ​വ്​ താ​ക്ക​റെ സ​ർ​ക്കാ​റി​നെ അ​ട്ടി​മ​റി​ക്കാ​ൻ എ​ൻ.​സി.​പി​യി​ൽ​നി​ന്ന്​ സു​പാ​രി വാ​ങ്ങി​യെ​ന്നും റാ​ണെ ക​ഴി​ഞ്ഞ ദി​വ​സം ആ​രോ​പി​ച്ചി​രു​ന്നു. ത​നി​ക്കെ​തി​രെ എ​ൻ​ഫോ​ഴ്​​സ്​​മെ​ന്‍റ്​​ (ഇ.​ഡി) നീ​ക്കം ന​ട​ത്തു​ന്ന​ത്​ തു​റ​ന്നു​കാ​ട്ടി റാ​വു​ത്ത്​ രം​ഗ​ത്തു വ​ന്ന​തി​ന്​ പി​ന്നാ​ലെ​യാ​യി​രു​ന്നു ഇ​ത്. ന​ട​ൻ സു​ശാ​ന്ത്​ സി​ങ്ങി​ന്‍റെ ആ​ത്മ​ഹ​ത്യ കേ​സി​ൽ ഇ.​ഡി ഉ​ദ്ധ​വ്​ താ​ക്ക​റെ​യു​ടെ വീ​ട്ടി​ൽ അ​ന്വേ​ഷ​ണ​വു​മാ​യി എ​ത്തു​മെ​ന്നും റാ​ണെ പ​റ​ഞ്ഞി​രു​ന്നു. റാ​ണെ​യു​ടെ ബം​ഗ്ലാ​വി​ലെ അ​ന​ധി​കൃ​ത നി​ർ​മാ​ണം പ​രി​ശോ​ധി​ക്കാ​ൻ ന​ഗ​ര​സ​ഭ നോ​ട്ടീ​സ്​ ന​ൽ​കി​യ​ത്​ റാ​ണെ​ക്കും പ്ര​കോ​പ​ന​മാ​യി.

ഉ​ദ്ധ​വ്​ താ​ക്ക​റെ​യു​ടെ ഭാ​ര്യ ര​ശ്മി താ​ക്ക​റെ​ക്ക്​ റാ​യ്​​ഗ​ഡി​ൽ 19 ബി​നാ​മി ബം​ഗ്ലാ​വു​ക​ളു​ണ്ടെ​ന്ന ആ​രോ​പ​ണ​വു​മാ​യി ബി.​ജെ.​പി നേ​താ​വ്​ കി​രി​ത്​ സോ​മ​യ്യ​യും രം​ഗ​ത്തു​വ​ന്നി​രു​ന്നു. ആ​രോ​പ​ണം നി​ഷേ​ധി​ച്ച റാ​വു​ത്ത്​ പാ​ൽ​ഗ​റി​ൽ കി​രി​ത്​ സോ​മ​യ്യ​യു​ടെ മ​ക​നും ഭാ​ര്യ​യും പ​ങ്കാ​ളി​ക​ളാ​യ 260 കോ​ടി​യു​ടെ പ​ദ്ധ​തി​യെ​ക്കു​റി​ച്ച്​ ആ​രോ​പ​ണ​വും ഉ​ന്ന​യി​ച്ചു.